Davron Fayziev: "Davralar oralig'idagi nazorat o'yinida "Navbahor"ni osonlik bilan yutib qo'ygandik"

Uchrashuv chiroyli va qiziqarli tarzda o'tdi. Bahs davomida gol urish uchun jamoamizda raqibga qaraganda ko'proq imkoniyatlar bo'ldi. SHunga qaramay bunday o'yinda yutqazib qo'yishimiz ham hech gap emasdi. Futbolda sen urmasang, senga urishadi degan gap bor. Bugun aynan shu  hol ro'y berishi mumkin edi. Bunday holatni qanday baholashga hayronman. Hozirda yaratgan vaziyatlarimizdan hujumchila u yoqda tursin himoyachilar ham gol ura olshsa kerak deb o'ylayman.

Kecha va bugun o'yindan oldin futbolchilarimizga ko'rsatma bera turib bir jihatga etibor qaratishlarini so'radim. Yani kecha"Andijon" futbolchilari "Qo'qon-1912" jamoasi bilan o'yindan oldin yutuq cho'ntagimizda deb o'ylashgani sababli yakunda raqibga imkoniyatni boy berib qo'yishdi. SHunga o'xshash voqea takrorlanmasligini birinchi navbatda takidlab o'tgandim.

Raqibni mensimaslik fikri tug'ilmasligi uchun bu gaplarni aytgandim. Davralar oralig'idagi nazorat o'yinida "Navbahor"ni osonlik bilan yutib qo'ygandik. Yigitlardan o'sha g'alabani unutgan holda uchrashuvga  jiddiyroq yondoshishlarin istanandim. Futbolchilarimiz birinchi bo'limda ustunlikka erishganlaridan keyin oson g'alaba qozonar ekanmiz degan hayolga ham borishgani sezildi. Yakunda g'alabani qo'lga kirtganimizdan xursandman.

O'yingohda har ikki jamoani qo'llab turgan muxlislarga alohida rahmat aytgan bo'lardim. Ular bugun yaxshigina o'yinni guvohiga aylanishdi. Kelgusida ham suyukli jamoalarini munosib tarzda qo'llab quvvatlashlarini tilab qolaman. "Navbahor" jamoasi haqida gap ketganida, ularni bugun iliq taassurot qoldirganliklarini etirof etgan bo'lardim. Agarda davralar oralig'idagi nazorat o'yini bilan solishtiradigan bo'lsak, namanganliklar yaxshiroq tarzda to'p surishdi. Mehmonda harakat qilgan jamoa sifatida yaxshi taassurot uyg'otishdi, - deydi Fayziev.

"So'g'diyona" matbuot xizmati