Davron Fayziev: "Men o'yinning qaerda o'tishini belgilamayman"

D.Fayziev: - O'yin biz kutgandek boshlandi. O'zimiz o'ylagan rejalarni amalga oshirdik. Biroq ikkinchi bo'lim boshida o'tkazib yuborilgan goldan keyin ruhiy tushkunlik kuzatildi. Yirik hisobda yutqazdik, lekin muxlislar o'yindan qoniqish hosil qilishganga o'xshadi. Muxlislar uchrashuv tugagach, bizni olqishlar ostida kuzatib qo'yishdi. Raqib bilan tengma-teng kurashdik, faqat o'yin borasida. Hisob esa “Paxtakor”ning mahoratini ko'rsatib turibdi. Ularda imkoniyat bo'lishi bilan hisobni ochishdi va imkoniyatlardan foydalanishdi. Bizda tarkibda yo'qotishlar bo'ldi. Komilov diskvalifikaciya, Rajabov betobligi tufayli maydonga tusha olmadi. Ularning o'rniga tushgan futbolchilar imkon qadar yaxshi o'ynashga harakat qilishdi.

CHempionat turdan-turga qizib bormoqda. Ishqibozlarga sovg'a tayyorlamoqchi edik. Hech bo'lmaganda durang natijaga erishishni xohlagandik. Afsuski, buni uddalay olmadik.
Bizga muxlislarning faol qo'llab-quvvatlashi ham etishmadi. Biz kiritgan birinchi to'p hisoblanmagani ham yigitlarga salbiy tasir qilgandek tuyuldi.

Vazifam futbolchilarni o'yinga tayyorlash. Men o'yinning qaerda o'tishini belgilamayman. PFL bizga Zominda o'ynashni taqiqladi. Samarqandda o'ynashni xohlagandik, biroq u erda tadbir o'tkazilishi sababli yana Yangierda o'ynashga majbur bo'ldik. Jizzaxdagi stadion va maydon tayyor, biroq yugurish yo'lakchasini bitirayotgan quruvchilar bunga ruxsat berishmadi. 10 tur ortda qoldi va biz hali o'z maydonimizda o'ynamadik. Biroq buni muvaffaqiyatsizlikka sabab qilib keltirmoqchi emasman. Bizda jamoa shakllanishi davom etmoqda.