Davron Fayziev: "Ikki g'alabadan so'ng futbolchilarimiz ettinchi osmonda edi"

"Keskin kurashlarga boy o'tdi. "Dinamo" bugun omadliroq o'yin ko'rsatdi. Ikkita vaziyatdan ikkita gol kiritdi va bu futbolning qonuni. 90 daqiqa hujum qildik lekin gol yo'q. Bu jamoaning mahorati yo'qligidan dalolat beradi. Hozir kiyinish xonasida yigitlarga tanbeh berdim. Ular ikkita g'alabadan so'ng ettinchi osmonga chiqib ketdi. SHu bois bugun xuddi raqibni mensimagandek o'yin ko'rsatdi. SHunga qaramay yigitlar to'la kuch bilan harakat qildi. Bugun omad "Dinamo"ga kulub boqdi. Ozgina omadimiz kelganda ham kamida durang qilar edik. SHu bois Samarqand jamoasini tabriklayman" , - deydi Davron Fayziev.

- Ikkinchi gol kiritilgan vaziyatga o'yindan tashqari holat deya tortishdingiz va hozir bu vaziyatni qayta ko'rdingiz.  Endi fikrlar qanday ?

Ha vaziyatni ko'rdim. Vaziyatda haqiqatdan ham himoyachimiz ortda qolib ketgan ekan. O'yindan tashqari holatdek ko'rindi va shu bois qizishib ketdim. Golni haqqoniy baholar edim.