Davron CHoriev: “O'rtoqlik uchrashuvlari biz uchun mashg'ulot”

Ushbu o'yinda mehmonlar 6:2 hisobida vakillarimizdan ustun kelishdi. Qiyin o'tgan bahsdan so'ng termamiz futzalchisi Davron CHoriev o'z fikrlari bilan o'rtoqlashdi.

“Hozir jahon chempionatiga katta tayyorgarlik boshlaganmiz. Ozarboyjon termasiga qarshi birinchi nazorat o'yinimizda durang natija qayd etgandik. Murabbiyimiz bergan taktikalar ustida mashg'ulotlar olib boryapmiz. Menimcha to'g'ri yo'ldan ketyapmiz deb o'ylaymman. Bunday nazorat uchrashuvlarida asosiysi natija muhim emas biz mashg'ulot o'tkazyapmiz. Kolumbiyadagi mundialda o'yinimiz boshqacha bo'ladi, bunday hisoblar qayd etilmaydi. Kechagi javob o'yinining birinchi bo'limida ko'p gol o'tkazib yubordik deb. Birinchi bo'limni inobatga olmaganda ikkinchi bo'limda biz g'alaba qozondik deb o'ylayman. Biz bor kuchimizni ko'rsatmadik. Bundan ham ortiq kuchliroq o'ynashga qodirmiz. Agarda biz o'zimiz istaganimizda hisob ham boshqacha ko'rinish olgan bo'lardi. O'rtoqlik uchrashuvlari biz uchun mashg'ulot. Murabbiyimiz yig'indagi barcha futzalchilari sinab ko'ryapti. Mundialda 14 ta futzalchi bo'ladi va o'yinimiz ham o'zgacha bo'ladi”, - deydi O'zbekiston terma jamoasi azosi Davron CHoriev.

Tolibjon Qosimov