Coca Cola Superligasi. "Paxtakor" Olmaliqda, "Nasaf" Toshkentda mehmon

Coca Cola Superliga / 17-tur
17 avgust, shanba
17:00 «Qo'qon-1912» - «Surxon»
Hakamlar: Zokir Qodirov, Obid Jumaev, Ruslan Samandarov, Akmal Rahimov
Nazoratchi: Rashid Aytekov
Komissar: Erkin Baxtiyorov

Bu mavsumda o'z maydonida umuman g'alaba qozona olmagan "Qo'qon-1912" oxirgi 4ta uchrashuvda umuman yuta olmagan "Surxon"ni qabul qiladi.

Birinchi davrada ushbu jamoalar o'rtasidagi uchrashuvda 2:1 hisobida "Surxon" g'olib bo'lgan edi.

Bu ikki klub chempionat doirasida 17 marta to'qnash kelishgan. To'qqiz bor Termiz klubi, etti bor Qo'qon klubi g'olib bo'lgan. Faqat bir marta durang qayd etilgan.

Qo'qonda o'tgan o'zaro 8ta o'yinning 5tasida mezbonlar g'olib bo'lgan. Termizliklar 3 marta ushbu klub maydonidan g'alaba bilan qaytishgan. So'nggi bor bunday holat 2000 yilgi mavsumda kuzatilgan edi.

19:15 AGMK – «Paxtakor»
Hakamlar: Elyor Tursunov, Aleksandr Sidorov, Hasan Nabiev, Rustam CHoriev
Nazoratchi: Andrey Tambovcev
Komissar: Abbos Ahrorov

"Paxtakor" bu mavsum hozirgacha umuman mag'lub bo'lmagan yagona klub bo'lib turibdi (14 g'alaba va 2 durang). AGMK esa oxirgi ikki turda mag'lub bo'lgani yo'q (1 g'alaba va 1 durang).

Birinchi davrada Toshkentda kechgan bahsda "sherlar" bu raqibni 4:1 hisobida mag'lub etgan edi. AGMK hujumchisi Zafar Polvonov Superligada oxirgi 3ta o'yinda maydonni golsiz tark etgani yo'q. "Paxtakor" hujumchisi Igor Sergeev esa so'nggi 2ta o'yinda raqiblar darvozasiga 3ta gol urdi.

Bu ikki klub O'zbekiston chempionatida 23 marta to'qnash kelishgan. SHundan 17tasida "sherlar", 4tasida olmaliqliklar g'olib bo'lishgan. Qolgan ikki uchrashuvda durang qayd etilgan. O'zaro o'yinlarning oxirgi to'rttasida "Paxtakor" to'rt marta g'alaba qozongan.

AGMK o'z maydonida o'tgan 11ta o'yinning 3tasida zafar quchgan. Ushbu jamoalar Olmaliqda hech qachon durang o'ynashmagan ekan.

19:15 «Lokomotiv» - «Nasaf»
Hakamlar: Temur To'xtasinov, Anvar Marajabov, Ziyodulla Abdurahmonov, G'ayrat Jo'raev
Nazoratchi: Timur Abdullaev
Komissar: Diyor Imomxo'jaev

Bu mavsum o'z maydonida umuman yutqazmagan (7 g'alaba va 2 durang) "Lokomotiv" safardagi so'nggi 4ta uchrashuvda mag'lub bo'lmagan (3 g'alaba va 1 durang) "Nasaf"ni qabul qiladi.

Birinchi davrada Qarshida o'tgan uchrashuvda Temurxo'ja Abduxoliqovning goli "Lokomotiv"ga g'alaba keltirgan edi - 1:0.

Bu klublar shu kunga qadar 29 bor o'zaro o'yin o'tkazishgan. 15 marta Toshkent klubi, 9 marta Qarshi klubi 3 ochkoga ega bo'lgan. Qolgan beshta uchrashuvda esa g'olibni aniqlashning imkoni bo'lmagan. Toshkentdagi o'yinlarda "Nasaf" 4 marta g'olib bo'lgan. "Lokomotiv" 2012 yildan buyon ushbu jamoaga o'z uyida yutqazmay kelmoqda.

19:15 «Buxoro» - «So'g'diyona»
Hakamlar: Hasan Ro'ziev, Olimjon Abduvosilov, Rishat No'monov, Komiljon Rasulov
Nazoratchi: Arslon Xotamov
Komissar: Jahongir Rahmatullaev

Oxirgi uchta o'yinda g'alaba qozona olmagan va raqib darvozasiga gol ura olmagan "Buxoro" so'nggi uchta o'yinning barchasida g'olib bo'lgan "So'g'diyona"ni qabul qiladi.

Birinchi davrada ushbu jamoalar o'rtasidagi bahsda "So'g'diyona" SHohruz Norxonovning ikkita goli evaziga "Buxoro"dan ustun kelgandi - 2:0.

Bu klublar O'zbekiston chempionatida jami 47 bor to'qnash kelishgan. 23ta o'yinda "Buxoro"ning qo'li baland kelgan, 18 marta "So'g'diyona" yutgan. Oltita bahsda durang kuzatilgan.

"So'g'diyona" Buxorodagi o'yinlarda 5 marta g'alabaga erishgan. So'nggi bor 2008 yil bunday hodisa kuzatilgan. 10 yildan buyon "Buxoro" o'z uyida bu jamoaga yutqazmay kelmoqda.