CHicharito: "Bizni Germaniyaga qarshi qiyin o'yin kutmoqda"
28 iyu 2017 20:46
Yangiliklar
![](https://championat.asia/upload/storage/261608_original.jpg)
![](/upload/storage/261608_220.jpg)
CHicharito: "Bizni Germaniyaga qarshi qiyin o'yin kutmoqda"
Bugun Portugaliya va CHili o'zaro bellashsa, ertaga Germaniya va Meksika final uchun kurash olib boradi. Ertangi uchrashuv oldidan meksikaliklar hujumchisi Xaver Ernandes fikrlarini bildirib o'tdi.
"Men 2 yil Bundesligada o'ynadim va nemis jamoasini yaxshi bilaman. Ularda 23 nafar yosh va kuchli o'yinchi bor va Lyov kimga ishonishini oldindan aniq aytish qiyin. Har qanday holatda ham bu biz uchun qiyin o'yin bo'ladi. Biz istalgan tarkibi bilan kuchli bo'lgan Germaniyani mag'lub etish uchun o'zimizning eng yaxshi sifatlarimizni ko'rsatishga harakat qilamiz.
Bizning tarkibimiz juda ham kurashuvchan yigitlardan tashkil topgan, bunda ularning Evropa yoki Meksikada o'ynashi muhim emas. Mashg'ulotlarda KK-2017da o'ynagan va o'ynamaganlar birdek mexnat qilmoqda. Hech kim zaxirada o'tirishni istamasligi tushunarli. Lekin, atmosfera ajoyib. Hamma jamoa manfaati yo'lida o'z imkoniyatini kutishga tayyor. Biz uchun bu muhim musobaqa. O'zingiz o'ylab ko'ring, biz Jahon chempionatiga bir yil qolganda sayyoramizning amaldagi chempioni bilan o'ynaymiz. Finalga chiqishga umid qilamiz", - dedi CHicharito.
O’xshash yangiliklar
![AMP Logo](https://championat.asia/image/logo-amp.png)
Fikrlar