CHempionlar ligasi. 3ta jamoada yuz foizlik natija, "o'lim guruhi"da imkoniyatlar teng va boshqa natijalar
24 okt 2019 14:26
Yangiliklar
![](https://championat.asia/upload/storage/525279_original.jpg)
![](/upload/storage/525279_220.jpg)
CHempionlar ligasi. 3ta jamoada yuz foizlik natija, "o'lim guruhi"da imkoniyatlar teng va boshqa natijalar
Turnir guruh bosqichining 3-turida bir-biridan qiziq bahslar bo'lib o'tdi va bazi kvartetlarda vaziyat o'zgardi, boshqalarida esa yo'q. Ushbu turdan keyin guruhlardagi jamoalar o'rni haqida to'xtalib o'tamiz.
"A" guruhi
Ushbu to'rtlikda PSJ yaqqol peshqadamga aylanib oldi. Parijliklar 3-turda mehmonda "Bryugge"ni 5:0 hisobida taslim qilishdi. Zaxirada maydonga tushgan Kilian Mbappe xet-trik muallifiga aylandi.
Guruhning boshqa grandi - "Real" Turkiyada "Galatasaroy" mehmoni bo'ldi va madridliklar ham 3 ochkoni qo'lga kiritishdi. Uchrashuvdagi yagona golga Toni Kroos muallifliq qildi.
"B" guruhi
"B" kvartetidagi ikkala o'yinda 5tadan gol kiritildi, ammo bitta bahsda "Tottenxem" 5ta gol urgan bo'lsa, ikkinchisida "Bavariya" "Olimpiakos" darvozasini 3 marta ishg'ol qilib, 2 marta o'z darvoza to'ridan to'p olib chiqdi. Bu to'rtlikda vaziyat "A" guruhinikiga o'xshash. Nemislarda 100%lik natija, "Tottenxem" ulardan 5 ochko orqada.
"C" guruhi
"Manchester Siti", "SHaxtyor", "Dinamo" (Zagreb) va "Atalanta" o'rin olgan guruhda kutilganidek "shaharliklar" etakchilik qilishmoqda. Ingliz klubi 3ta g'alabali uchrashuvda jami 10ta gol urib, bir marta gol qo'yib yuborishgan. O'tgan yili yorqin o'yin ko'rsatib, CHL yo'llanmasini qo'lga kiritgan "Atalanta" hozir juda achinarli holatda. Italiya klubi 3ta o'yinning birortasida ochko ola bilmadi. Ikkinchi va uchinchi o'rinni Ukraina va Xorvatiya klublari bo'lishib turibdi.
"D" guruhi
Ushbu kvartetning uchinchi tur o'yinida sensaciya qayd etilishi mumkin edi, biroq Paulo Dibala hammasini chippakka chiqardi. "Lokomotiv" mehmonda o'tgan bahsning 77-daqiqasigacha hisobda oldinda edi, ammo argentinalik yigitcha 2 daqiqa ichida g'alabani "temiryo'lchilar"dan "o'marib" ketdi va sensaciya ro'y berishiga yo'l qo'ymadi. Ikkinchi uchrashuvda "Atletiko" "Bayer"ni o'z uslubida (1:0) mag'lub etdi.
"E" guruhi
"Zalcburg" yana bir guruh etakchisiga muammo tug'dirishga urindi. Avstriya klubi "Liverpul"ga qarshi bahs kabi bor kuchini ishga soldi, ammo ochko olish uchun yana bitta gol etmadi. "Napoli" saviya evaziga mehmonda 3:2 hisobida zafar quchdi. "Liverpul" ham mehmonda o'ynadi, ammo "Genk"ni qiyinchiliksiz taslim eta oldi.
"F" guruhi
"O'lim guruhi" deya atalgan "F" kvartetida kurash qizg'in davom etmoqda. "Barselona" bu turda "Slaviya"ni qiyinchilik bilan taslim etib, mehmondan 3 ochko bilan qaytdi. "Inter" hamda "Borussiya" D o'rtasidagi turning markaziy uchrashuvida Konte shogirdlarining qo'li baland keldi. Lautaro Martines va Antonio Kandreva gollari evaziga italiyaliklar ishonchli g'alabaga erishishdi.
"G" guruhi
Bir necha kun oldin "Rostov"ni 6:1 hisobida taslim etgan "Zenit" Germaniyada "Leypcig"ga mag'lub bo'ldi. Uchrashuvdagi dastlabki gol piterliklar tomonidan urildi, ammo nemis klubi ikkinchi bo'limning dastlabki 15 daqiqasi ichida 2ta gol urib, o'yin masalasini o'z hisobiga hal qildi. Guruhning ikkinchi bahsida "Benfika" Franciyaning "Lion" klubini qabul qildi va ularni 2:1 hisobida taslim qildi.
"H" guruhi
So'nggi kvartetda Gollandiya va Angliya klublari etakchilik qilishmoqda. "CHelsi" mehmonda "Ayaks"ni taslim etib, gollandiyaliklar bilan ochkolarini tenglashtirib oldi. Ikkinchi bahsda "Valensiya" "Lill" mehmoni bo'ldi. Ispaniyaliklar g'alabaga yaqin edi, ammo so'nggi soniyalardagi gol tufayli jamoalar ochkolarni bo'lishib olishdi.
O’xshash yangiliklar
![AMP Logo](https://championat.asia/image/logo-amp.png)
Fikrlar