"CHelsi" himoyachisi APLning boshqa klubiga o'tishni istamadi

"CHelsi" himoyachisi Trevo CHaloba transfer oynasining so'nggi kunida "Nottingem Forest"ga o'tishdan bosh tortdi. Bu haqda insayder Fabricio Romano xabar berdi.

Futbolchi unga qiziqish bildirgan "Bavariya"ga o'tmoqchi edi, ammo transfer amalga oshmadi. SHundan so'ng "ko'klar" futbolchini 25 million funtga "o'rmonchilar"ga sotish bo'yicha kelishuvga erishgan bo'lsa-da, angliyalik futbolchi "CHelsi"da qolishni maqul ko'rdi.

CHaloba London klubi tarbiyalanuvchisi hisoblanadi. 24 yoshli himoyachi joriy mavsum hali maydonga tushmadi. U qishda "ko'klar"ni tark etish ehtimoli bor.