Championat.asia va Transfermarkt hamkorlikda Superligada avgust oyining eng yaxshilarini aniqladi
05 sen 2022 14:55
Yangiliklar
![](https://championat.asia/upload/storage/715658_original.jpg)
![](/upload/storage/715658_220.jpg)
Championat.asia va Transfermarkt hamkorlikda Superligada avgust oyining eng yaxshilarini aniqladi
Ikki sayt hamkorligi doirasida avgust oyining eng yaxshi murabbiyi va eng yaxshi futbolchisi aniqlandi. Ovoz berishda Championat.asia xodimlari va Transfermart portalining rus tilidagi versiyasi muharrirlari ishtirok etdi. Qolaversa, Toshkentning “Lokomotiv” klubi sobiq ustozi Denis Korostichenko va O'zbekiston milliy terma jamoasining sobiq futbolchisi, bugungi kunda murabbiylik faoliyati bilan shug'ullanayotgan Baxtiyor Ashurmatov mutaxassis sifatida ishtirok etdi.
Timur Kapadze ketma-ket ikkinchi marta Superligada oyning eng yaxshi murabbiyi deb topildi. Uning qo'l ostida “Olimpik” “Surxon” (5:0) va “So'g'diyona”ni (1:0) mag'lub etgan bo'lsa, yana ikki uchrashuv – “Qo'qon” hamda “Paxtakor”ga qarshi o'tkazilgan uchrashuvlar bir xil 1:1 hisobida durang bilan yakunlangan. Kapadze 53% ovoz olib, eng yaqin taqibchisi “Navbahor”dan Samvel Babayanni 26% ortda qoldirdi.
Keskin kurashda “Navbahor” yarim himoyachisi Jamshid Iskanderov Superliganing avgust oyidagi eng yaxshi futbolchisiga aylandi. U “Olimpik” hujumchisi Otabek Jo'raqo'zievdan bor-yo'g'i bir ovoz oldinda edi. To'rtta o'yinda Iskanderov “gol+pas” tizimi bo'yicha 1+1 hisobini qayd etdi. U “Navbahor”ning O'zbekiston kubogi yarim finaliga chiqishiga ham yordam berdi. 1/8 finalda “Olimpik”ga qarshi o'yinda o'z hisobiga (1:0) golli uzatma yozib qo'ygan bo'lsa, “Paxtakor” bilan chorak final o'yinida (2:1) dubl qayd etdi.
O’xshash yangiliklar
![AMP Logo](https://championat.asia/image/logo-amp.png)
Fikrlar