"Cementchi" stadionining bugungi holati FOTO

O'sha vaqtda texnik sabablarga ko'ra, ayrim o'yingohlardan fotosuratlar taqdim qila olmaganmiz. Faqatgina taassurotlarimiz bilan o'rtoqlashganmiz. Bu yil endi tanishtiruvimizni boshqacha yo'nalishda amalga oshirmoqchimiz. Yani, fotosuratlar orqali stadionlarning bugungi holatini ko'rsatib berishga harakat qilamiz. O'tgan hafta xizmat safari bilan Farg'ona viloyatining Quvasoy tumanida bo'ldik. Safarimiz davomida shahardagi markaziy stadion "Cementchi"ni ham ko'zdan kechirdik.

Xabaringiz bor, mazkur o'yingoh "Cementchi" jamoasining uy stadioni hisoblanadi. Aytish mumkinki, birinchi ligada ishtirok etadigan boshqa klublarning uy stadionlari bilan solishtirganda faqat iliq fikrlarni bildirish mumkin. Stadionni ko'zdan kechirish jarayonida jamoalarning echinish xonasi tamirdan chiqarilganiga guvoh bo'ldik. Qolaversa, futbolchilarning o'yindan keyin yuvinib olishlari uchun issiq va sovuq suv borligi ham etiborimizni tortdi. Faqatgina hojatxonani echinish xonasida emasligini inobatga olmasa, jamoalar uchun barcha sharoitlar yaratib qo'yilgan. Qolganini fotosuratlar orqali tomosha qilishingiz mumkin.

Furqatbek NISHONOV