"Cementchi” jamoasidan muxlislar kutgan yangilik!

Futbolchilar kecha Quvasoyning adirli hududida 10 km masofaga kross yugurgan bo'lsalar, bugundan ikki mahallik mashg'ulotlarga o'tildi. Ertalab futbolchilar trenajor zalida shug'ullangan bo'lsa, tushlikdan so'ng  to'plar bilan mashg'ulot o'tkazildi.
 
Jamoamiz azolaridan Jamshid Qobulov va Baxodir Qodirov "Neftchi" yoshlar jamoasi tarkibida ko'rikdan o'tayotgan bo'lsa, Abdulla Abdullaev jamoa bilan tuzilgan shartnoma yakunlani sababli klubni tark etgan. Qolgan jamoa azolari mashg'ulotlarda ishtirok etishmokda.

O'z navbatida jamoaga yangi futbolchilar kelib qo'shilmokda.

Bugun jamoa yig'iniga barcha muxlislarimiz kutgan va o'zining ajoyib o'yinlari bilan barchaga yaxshi tanish bo'lgan, oliy liga azosi "Qizilqum" jamoasidan mahoratli hujumchi Elyorbek Akbarov va o'zining ajoyib driblinglari bilan Quvasoylik muxlislarda katta tassurotlar koldirgan, yana bir oliy liga vakili "Obod" jamoasida o'tgan mavsumda barcha uchrashuvlarda deyarli asosiy tarkibda harakat qilgan yarim ximoyachi Umidjon Matmusaevlar kelib qo'shildilar!  

Undan tashqari "Olmaliq" jamoasidan ximoyachi Ibrohimov Amirxon, 2-liga vakili "Fidokor" jamoasidan yarim himoyachi Tursunaliev Ravshan hamda mahalliy futbolchilardan Junaydullaev SHojamshid jamoa mashg'ulotlarida ishtirok etmokdalar.

"Cementchi” jamoasi matbuot kotibi Zuxriddin Abdullajonov.