"CA"da yangi loyiha - "Xalq bilan muloqot va inson manfaatlari yili"
08 dek 2016 18:34
Yangiliklar

"CA"da yangi loyiha - "Xalq bilan muloqot va inson manfaatlari yili"

7 dekabr kuni mamlakat Konstituciyasi qabul qilinganining 24 yilligiga bag'ishlab o'tkazilgan tantanali marosimda O'zbekiston Prezidenti SHavkat Mirziyoev kirib kelayotgan yangi, 2017 yilni O'zbekistonda "Xalq bilan muloqot va inson manfaatlari yili" deb elon qilishni taklif etdi.

Saytimiz tomonidan joriy yil, "Sog'lom ona va bola yili" dasturi asosida bolalar futboli o'rtasida ko'plab tadbirlarni tashkil etildi. O'sha tadbirlarni davom ettirgan holda, 2017 yil 52 hafta davomida "Xalq bilan muloqot va inson manfaatlari yili" dasturi asosida juda ko'plab tadbirlarni tashkil etamiz.

Tadbirda o'zbek futbolida faoliyat olib borayotgan mutaxassislar, murabbiy va futbolchilar, ustoz jurnalistlar ishtirok etadilar. Tadbir O'zbekiston bo'ylab o'tkaziladi.

Tadbirimizda ishtirok etish istagini birinchilardan bo'lib Odil Ahmedov bildirdi. Legioner futbolchilarimizni har doim ham tuta olmaymiz. Qishki tatildan unumli foydalangan holda, 12 dekabr kuni Odil Ahmedov va OAV o'rtasida yil yakunlariga oid matbuot anjumani tashkil etamiz. Unda saytimiz o'quvchilari ham ishtirok etishlari mumkin, bu haqda birozdan so'ng xabar beramiz.

Demak, 12 dekabr soat 11:00da, "Paxtakor" Markaziy stadionining majlislar zalida, Odil Ahmedov ishtirokida matbuot anjumani.

Yanvar oyi mehmoni - Mirjalol Qosimov!