Buyuk Britaniya nashri Osiyo kubogi-2023da etibor berish kerak bo'lgan o'yinchilarni sanab o'tdi, ular orasida o'zbekistonlik futbolchi ham bor

Mehdi Taremi – Eron

Mehdi Taremi musobaqada Eronni etakchi sifatida olg'a boshlaydi, Amir Galenoi shogirdlari 48 yil ichida ilk bor Osiyo kubogiga ega chiqishmoqchi.

31 yoshli futbolchi 71ta o'yinda 41ta gol to'p kiritgan holda rekordchi hisoblanadi, u 2019 yilda Yaqin SHarqdan Portugaliyaga ketganidan beri muvaffaqiyatli to'p tepmoqda.

"Rio Ave"dagi gollar Taremiga "Portu"ga yo'l ochdi, shundan so'ng u barcha musobaqalarda 171ta o'yinda maydonga tushib, 86ta to'p kiritishga erishdi. Portugaliya chempionatidagi to'purar sifatida ikki bor Bola de Prata'ni yutgan Taremining shartnomasi mavsum so'nggida yakuniga etadi va unga Evropaning bir qator top klublari qiziqish bildirmoqda.

"Inter" va "Manchester Yunayted" tajribali hujumchini erkin agent sifatida o'z safiga qo'shib olishga qiziqish bildirgan.

Ali Mabxut – Birlashgan Arab Amirliklari

Ali Mabxut – bu nom Evropa futboli muxlislari uchun notanish bo'lishi mumkin, ammo amirliklar hujumchisi Osiyo futbolida eng yaxshi forvardlardan biri sifatida ko'riladi.

33 yoshli o'yinchi milliy terma jamoa tarkibida 114ta o'yinda 84ta gol urgan holda barcha davrlarning eng yaxshi to'purari bo'ldi. Birlashgan Arab Amirliklari oldin umuman Osiyo kubogini yutmagan, ammo so'nggi ikki turnirda yarim finalga etib borgan.

Mabxut 2015 yilda turning eng yaxshi to'purari bo'ldi va 2019 yil BAA to'rtlikka kirgan payta ikkinchi bor turnir ramziy jamoasidan o'rin oldi.

Butun faoliyatini vatanida o'tkazayotgan o'yinchi shayx Mansurga tegishli bo'lgan klublardan biri bo'lmish "Al Jazira"da barcha musobaqalarda 256ta to'p kiritgan. Bu turnirda BAA Osiyo kubogi uchun kurashadi va bu o'yinchi uchun so'nggi imkoniyat bo'lishi mumkin.

Abduqodir Husanov – O'zbekiston

Abduqodir Husanov Liga 1da o'ynagan ilk o'zbekistonlik o'yinchi bo'ldi.

19 yoshli futbolchi yozda o'tgan mavsum ikkinchi o'rinni egallagan "Lans" safiga o'tdi. U bu jamoaga Belarusning "Energetik-BGU" klubidan qo'shildi va Franciya oliy divizionida asosiy tarkibda beshta o'yin o'tkazishga ulgurdi.

Markaziy himoyachi terma jamoa tarkibida iyunda debyut qildi va o'shandan buyon milliy jamoada ettita o'yinda g'alaba qozondi. Husanov 2023 yilda 20 yoshgacha bo'lgan yoshlar o'rtasidagi Osiyo kubogini yutgan jamoa tarkibida edi.

Husanov ushbu turnirda Evropaning kuchli beshlik chempionatlarida ishtirok etadigan yagona o'zbekistonlikdir.

Ko Itakura – Yaponiya

Yaponiya turnirni favorit sifatida boshlaydi va Evropaning kuchli beshlik chempionatlarida o'ynaydigan iqtidorlari bilan maqtanishi mumkin.

"Brayton" hujumchisi Kaoru Mitoma va "Real Sosedad" yulduzi Takefusa Kubogi "Samuray Blyu"ning eng yorqin iqtidorlaridandir, bu jamoaning sardori esa "Liverpul" yarim himoyachisi Vataru Endo.

Tez orada porlashi mumkin bo'lgan yana bir o'yinchi Ko Itakuradir. "Liverpul" va "Tottenxem" joriy mavsum "Borussiya Myonxengladbax" himoyachisining o'sishini kuzatshidi. Angliya klublariga 26 yoshli o'yinchining to'p bilan ishlashi va universalligi yoqqan. Itakura markaziy yoki chap himoya poziciyasida o'ynaydi. 

Li Kan In – Janubiy Koreya

Son Xyon Min – Janubiy Korea yulduzi, shuningdek "Bavariya" himoyasida ham koreyalik Kim Min Je o'ynaydi.

Ushbu oliy daraja guruhiga intilayotgan o'yinchilardan biri Li Kan In yozda PSJ tarkibiga o'tdi.

22 yoshli futbolchi so'nggi haftalarda jamoadagi rolini yaxshilamoqda va o'tgan hafta CHempionlar kubogi doirasidagi "Tuluza" (2:0)ga qarshi o'yinda hisobni ochdi.

Uning yarim himoyadagi vazifasi hujumda Xvan CHi Xanni to'p bilan taminlash bo'ladi. Janubiy Koreya 1960 yil ketma-ket ikkinchi g'alabadan beri Osiyo kubogini qo'lga kiritmagan.

Alisher Ostonov tarjimasi