Buxoro va Qashqadaryo futbol faxriylari o'zaro kuch sinashishdi

SHuni alohida takidlash joizki, mehmonlarni Buxoro viloyati Futbol Federaciyasi vice-prezidenti To'ra Salimovich Qo'ldoshev boshchiligdagi mezbonlar katta ehtirom bilan kutib olishdi. Bundan faxriylarimiz juda mamnun bo'lishdi.

Har yili o'tkaziladigan O'zbekiston futbol faxriylari o'rtasidagi mamlakat birinchiligi saralash uchrashuvlari start olgan
 
Bugun ushbu birinchilik doirasidagi uchrashuvda ikki qo'shni viloyat futbol faxriylari jamoasi o'zaro kuch sinashishdi. Jamoalar o'rtasidagi javob uchrashuvi 1 oktyabr kuni Qarshida bo'lib o'tadi.

SHunisi diqqatga sazovorki, bugungi uchrashuvda viloyatimiz futbol faxriylaridan tuzilgan jamoa, raqiblari darvozasiga javobsiz to'rtta to'p kiritishdi va ishonchli g'alabasini nishonlashdi. “Nasaf” jamoasining bosh murabbiyi Ro'ziqul Sadullaevich uchrashuvda ikkita golga mualliflik qildi. Uchrashuvdagi bitta golni “Nasaf” jamoasining o'tmishdagi afsonaviy futbolchisi Zafar Xolmurodov kiritgan bo'lsa,  yana bir golni Ixtiyor Mardonov kiritdi.

Bugungi uchrashuvda viloyatimiz nomidan quyidagi futbol faxriylari maydonda harakat qilishdi.

Asliddin Hasanov, Nikolay Minchev, Nurali Sultonov, SHuhrat Toshpo'latov, Baxriddin Omonov, Dinmuhammad Qurbonnazarov, Dadajon Tog'aev, Ro'ziqul Berdiev, Obid Hamroev, Zafar Xolmurodov, Komil Yomg'irov.

Zahiradan quyidagi futbol faxriylari maydonga tushishdi: O'tkir Xoliqov, Ixtiyor Mardonov, SHuhrat Qiyomov. 

Endi faxriylarimiz javob uchrashuviga tayyorgarlik ko'rishadi.