Бухоро ва Қашқадарё футбол фахрийлари ўзаро куч синашишди

Шуни алоҳида таъкидлаш жоизки, меҳмонларни Бухоро вилояти Футбол Федерацияси вице-президенти Тўра Салимович Қўлдошев бошчилигдаги мезбонлар катта эҳтиром билан кутиб олишди. Бундан фахрийларимиз жуда мамнун бўлишди.

Ҳар йили ўтказиладиган Ўзбекистон футбол фахрийлари ўртасидаги мамлакат биринчилиги саралаш учрашувлари старт олган
 
Бугун ушбу биринчилик доирасидаги учрашувда икки қўшни вилоят футбол фахрийлари жамоаси ўзаро куч синашишди. Жамоалар ўртасидаги жавоб учрашуви 1 октябр куни Қаршида бўлиб ўтади.

Шуниси диққатга сазоворки, бугунги учрашувда вилоятимиз футбол фахрийларидан тузилган жамоа, рақиблари дарвозасига жавобсиз тўртта тўп киритишди ва ишончли ғалабасини нишонлашди. “Насаф” жамоасининг бош мураббийи Рўзиқул Саъдуллаевич учрашувда иккита голга муаллифлик қилди. Учрашувдаги битта голни “Насаф” жамоасининг ўтмишдаги афсонавий футболчиси Зафар Холмуродов киритган бўлса,  яна бир голни Ихтиёр Мардонов киритди.

Бугунги учрашувда вилоятимиз номидан қуйидаги футбол фахрийлари майдонда ҳаракат қилишди.

Аслиддин Ҳасанов, Николай Минчев, Нурали Султонов, Шуҳрат Тошпўлатов, Бахриддин Омонов, Динмуҳаммад Қурбонназаров, Дадажон Тоғаев, Рўзиқул Бердиев, Обид Ҳамроев, Зафар Холмуродов, Комил Ёмғиров.

Заҳирадан қуйидаги футбол фахрийлари майдонга тушишди: Ўткир Холиқов, Ихтиёр Мардонов, Шуҳрат Қиёмов. 

Энди фахрийларимиз жавоб учрашувига тайёргарлик кўришади.