Buxoro rasmiy saytiga ega bo'ladi

Hozirgi kunga kelib, oliy liga klublarining deyarli barcha jamoalarida rasmiy veb saytlari mavjud. "Buxoro" klubida faqatgina muxlislar sayti sanalmish - pfkbuxoro.uz sayti 2008 yildan beri faoliyatini davom ettiryapti. Ushbu sayt imkoniyati darajasida o'z muxlislari uchun tezkor va aniq xabarlarni etkazishga harakat qilib kelmoqda va aytish kerak-ki, buning uddasidan chiqmoqda ham.

Lekin, hozirgi kunga kelib jamoaning rasmiy sayti bo'lishi shart, bu zamon talabi. SHuni inobatga olgan holda, "Buxoro" PFK tomonidan jamoa uchun rasmiy veb-sayt ochilishi rejalashtirilgan.

Rasmiy saytni pfkbuxoro.uz saytining administratorlari Aziz Salihov va Olim Jo'raev boshqarib borishadi. Muxlislar sayti ham o'z faoliyatini davom ettiraveradi.

Yangi veb-sayt mavsum boshlangunga qadar ishga tushirilishi rejalashtirilgan.