"Buxoro" muxlislari peshqadamlikni saqlab qolishdi

"Buxoro" jamoasi asta-sekinlik bilan turnir jadvalida yuqoriroq pag'onalardan joy olmoqda. "Buxoro" 5-turda o'z maydonida "Andijon"ni qabul qilib yirik 5:2 hisobida g'alaba qozondi. Ushbu bahsni bevosita stadiondan turib kuzatish uchun 21118 nafar muxlis tashrif buyurdi. Bu raqamlar 5-tur uchun rekord sanaladi. Buxorolik muxlislar 1,3 va 5-turlarda tengsiz teb topilishmoqda.

Eslatib o'tamiz, buxorolik muxlislar 1-tur  "Buxoro"-"Olmaliq" (2:0) uchrashuvida 18352 nafarni, 3-tur "Buxoro"-"Paxtakor" uchrashuvida 22571 nafarni tashkil qilib, 2012 yildan buyon chempionatimizda saqlanib kelayodgan o'z rekordlarini yangilashgan edi.

Ushbu uchrashuvlardan keyin ko'pchilik muxlis va mutaxasislar, 1 -turda ochilish uchrashuvi bo'lganligi sababli, 3-turda raqib "Paxtakor" bo'lganligi sababli muxlislar tashrifi yuqori bo'ldi deya taxmin qilishgan edi. Lekin buxorolik muxlislar 5-turda "Andijon" ga qarshi kechgan bahsda ham stadionni to'ldirib o'tirishdi.
"Buxoro" PFK jamoaga ishonch bildirib, stadionga tashrif buyurgan barcha muxlislarga o'z minnatdorchiligini bildiradi.

5-tur. Tomoshabinlar:

1.Buxoro (Buxoro) – Andijon (Andijon) – 5:2. 21118 tomoshabin.

2.Qizilqum (Navoiy) – Paxtakor (Toshkent) – 2:2. 19318 tomoshabin.

3.Navbahor (Namangan) – SHo'rtan (G'uzor) – 3:1. 4351 tomoshabin.

4.Nasaf (Qarshi) – Qo'qon-1912 (Qo'qon) – 1:0. 3856 tomoshabin.

5.Neftchi (Farg'ona) – So'g'diyona (Jizzax) – 0:1. 1924 tomoshabin.

6.Metallurg (Bekobod) – Obod (Toshkent) – 2:1. 1797 tomoshabin.

7.Bunyodkor (Toshkent) – Olmaliq (Olmaliq) – 4:2. 1306 tomoshabin.

8.Lokomotiv (Toshkent) – Mashal (Muborak) – 3:1. 1050 tomoshabin.