"Buxoro" Erkinov va Berdimurodov bilan shartnoma tuzdi

Mashg'ulotlar kuniga ikki mahaldan “NBU-Osiyo” stadionida o'tkazilmoqda.  Asosan jismoniy tayyorgarlik borasida ish olib borayotgan murabbiylar shu bilan birga tarkibni kuchaytirish maqsadida selekciya ishlarini ham keng suratda olib bormoqda. Xususan, bugun ham jamoa lageriga yangi futbolchi kelib qo'shildi. Anqirog'i, o'tgan mavsum “Navbahor” sharafini himoya qilgan iqtidorli darvozabon Asilbek Amonov jamoa mashg'ulotlarida ishtirok eta boshladi.

O'tgan yili mazmunli o'yin ko'rsatib, mahalliy ishqibozlarning qalbidan joy olgan himoyachi Artyom Filiposyan va yarim himoyachi Salamat Qutiboev joriy mavsum ham “Buxoro”da qoladigan bo'ldi. Ular bilan shartnomalar uzaytirildi. Bundan tashqari kuni-kecha tarkibga yangi kelib qo'shilgan himoyachi Rahmatullo Berdimurodov va hujumchi SHahboz Erkinov bilan ham rasmiy kelishuvga erishilib, bitim imzolandi.

Murabbiylar shtabining rejasiga ko'ra, 13 yanvar kuni “Buxoro” Toshkent yig'inidagi ilk nazorat uchrashuvini o'tkazadi. Sparring-raqib sifatida Muborakning “Mashal” jamoasi bilan kelishuvga erishildi.