“Bunyodkor” Toshkentga qaytib keldi

“Qaldirg'ochlar” BAAda 5-17 yanvar kunlari mashg'ulotlar olib borishdi. Sergey Lushan shogirdlari ushbu yig'in doirasida jami 4ta nazorat uchrashuvida ishtirok etishdi. Ilk uchrashuv Niderlandiyaning “Feyenoord” klubiga qarshi o'tib, unda 1:1 hisobi qayd etildi. Ikkinchi uchrashuvda esa “Bunyodkor” mahalliy “Al-SHabab” klubini 5:0 hisobida tor-mor etdi. Uchinchi uchrashuvda Eronning dongdor klubi “Piruzi”ga imkoniyat boy berildi – 1:3. Va nihoyat “qaldirg'ochlar” Toshkentga qaytish arafasida Saudiya Arabistonining “Al-Ittihod” jamoasiga 1:0 hisobida mag'lub bo'ldilar.

Endi mashg'ulotlar 25 yanvarga qadar poytaxtimiz Toshkentda olib boriladi. 26 yanvardan yig'in Turkiyaga ko'chadi.