“Bunyodkor” rasizmga qarshi

Bu borada xalqaro futbol federaciyalari uyushmasi – FIFA maxsus loyiha ishlab chiqqan bo'lib, futboldagi irqchilik va kamsitish holatlari uchraganda aybdorlarga jiddiy choralar ko'rib kelmoqda.

“Bunyodkor” futbol klubida irqchilik va unga qarshi kurashga bag'ishlangan yig'ilish bo'lib o'tdi. Murabbiylar shtabi va futbolchilarga ushbu mavzu yuzasidan mashhur sharhlovchi, pedagogika fanlari nomzodi, docent Mirzahakim To'xtamirzaev maruza o'qidi. O'z navbatida jamoa azolari ham bu borada fikrlarini bildirishib, irqchilik bugungi kunda ko'z yumib bo'lmaydigan, illat ekanligiga alohida etibor qaratishdi. Murabbiylardan Yuriy Sarkisyan, Amet Memet va Sergey Lushan, futbolchilardan SHaker Zuagi hamda Xayrulla Karimov fikr mulohazalari bilan o'rtoqlashishdi va “Bunyodkor” futbol klubi vakillari hech qachon irqchilikka yo'l qo'ymasliklarini takidlashdi.