“Bunyodkor” oq, “Metallurg” ko'k libosda o'ynaydi

Kecha, har ikkala jamoa vakillari va uchrashuvlari rasmiylari ishtirokida yig'ilish bo'lib o'tdi. Unda “Bunyodkor” – “Metallurg” uchrashuvining tashkiliy masalalari jihatlari yuzasidan yig'ilish bo'lib o'tdi. Uni uchrashuv komissari SHerzod Rajabov olib bordi.

Yig'ilishda, shuningdek, jamoalarning qanday rangli liboslarda harakat qilishiga ham oydinlik kiritildi. Unga ko'ra, "Bunyodkor" oq, “Metallurg” to'q ko'k libosda harakat qiladigan bo'ldi. “Qaldirg'ochlar” posboni kulrang, bekobodliklar darvozaboni esa qizil kiyimlarni kiyadigan bo'ldi.

Eslatib o'tamiz, Superliga 6-turining “Bunyodkor” – “Metallurg” uchrashuvi 11 aprel, chorshanba kuni “Bunyodkor” stadionida soat 18:00da boshlanadi. Uchrashuv oldidan O'zbekistonda xizmat ko'rsatgan artist Ravshan Komilov, tanaffusda estrada xonandasi Sardor Mamadaliev o'z qo'shiqlari bilan muxlislarga bayramona kayfiyat ulashishi rejalashtirilgan.