"Bunyodkor": Faxriylarimiz etirofda

Zero, keksalarni ezozlash, ularni hurmat qilish va parvarishlash bolaligimizdan qon-qonimizga singib ketgan. Bu yozilmagan qoidaga nafaqat oilada, balki jamiyatda ham amal qilishimiz bilan biz boshqa millatlardan ajralib turishimiz hech kimga sir emas.

Bugun "Bunyodkor" klubi qarorgohida O'zbekiston Sport faxriylari Kengashi hamda “Bunyodkor” futbol klubi tashabbusi bilan kichik tadbir o'tkazildi. Tadbirda O'zbekiston Sport faxriylari Kengashi raisi Bahodir Maxsitovich Maxsitov, “Bunyodkor” futbol klubi Bosh direktori Murod Boqievich Aliev va bir qator faxriylar qatnashdi. Tadbirda so'zga chiqqan Bahodir Maxsitovich yurtimizda keksalarga yaratilayotgan sharoitlar, etibor xususida fikr bildirar ekan, shaxsan davlatimiz rahbarining tashabbusi bilan hukumat darajasiga chiqqanini takidlab, bugungi kunda faxriylarimiz davlatning doimiy etiborida ekanligini malum qildi. Xususan, butun umrini sportga bag'ishlagan faxriylarimizga hukumatimiz va Kengash tomonidan tegishli yordamlar ajratilayotgani etirof etildi. Bahodir Maxsitov “Bunyodkor”dek ulug' dargohga tashrifining sababini izohlar ekan, klubning fidoyi-faxriylarining mehnatlarini etirof etish va ularga tegishli ko'krak nishoni hamda guvohnomalarni topshirish ekanligini bildirdi. Jumladan, “Bunyodkor” futbol klubi va akademiyasida uzoq yillardan buyon turli yo'nalishlarda samarali mehnat qilib kelayotgan bir qator xodimlarga “O'zbekiston Sport faxriysi” ko'krak nishoni va guvohnomasi hamda esdalik sovg'alari topshirildi.

SHuningdek, tadbir yakunida Bahodir Maxsitovich “Bunyodkor” futbol klubiga Kengashning maxsusi sovg'asini taqdim etdi. O'z navbatida Murod Boqievich bu etibor uchun minnatdorchilik bildirar ekan, Bahodir Maxsitovich va u kabi faxriylarimiz uchun “Bunyodkor” uy uchrashuvlarini bevosita stadionda tomosha qilishlariga “Bunyodkor”dan alohida xona ajratilishini malum qildi.

Taqdirlanganlar
A.M.Semyonov
V.N.Ni
P.V.Kim
G.K.SHokirova
T.V.Usova
SH.G'.Toshpo'latov
B.M.Mahkamov
M.A.Zorina
M.E.Dorfman