Bunyodkor-2005 - chempion!

Turkiyaning Antaliya shahrida bo'lib o'tgan «Hane cup-2019» xalqaro musobaqasida ishtirok etgan «Bunyodkor-2005» turnirdagi beshinchi uchrashuvda ham g'alaba qozonib, yakunda chempionlikni qo'lga kiritdi.

Doniyor Usmonov shogirdlari hal qiluvchi bahsda Gruziyaning «Dinamo-Batumi»siga qarshi o'ynadi. Musobaqasining ikkinchi o'yinida ham bu raqib bilan o'ynagan «qaldirg'ochlar» 2:0 hisobida g'alaba qozongan edi. Bu safargi bahs biroz qiyin kechdi. Avvaliga tarbiyalanuvchilarimiz raqib darvozasini ikki marta ishg'ol qilgan edi. Ammo ko'p o'tmay hisob tenglashdi. O'z irodasini namoyish qilgan «qaldirg'ochlarimiz» gruziyalik tengdoshlarini uchinchi marta o'yinni maydon markazidan boshlashga majbur qila oldi va yakunda chempionlikni qo'lga kiritdi!

«HANE CUP-2019»
«Dinamo-Batumi» (Gruziya) - «Bunyodkor» - 2:3
«Bunyodkor»: Ali Erkinov, Abdurahmon Sulaymonov, Asadbek Jamolov, Behruzbek Mahmudov, Muzokir Malikov (Narimon Ahmadjonov, 30), Diyorjon Tolibjonov (SHoyusuf Erkinov, 40), Sobir Rishiddinov, Iskandar Soliev, Temur Baxtiyorov, Doniyor Xayrullaev, Muhammaddiyor Bahodirov (Ramziddin Muhammedov, 50).
Gollar: Iskandar Soliev (2ta), Asadbek Jamolov.