Bugungi tadbir. Bolalar o'rtasidagi turnir g'olibi - "Bunyodkor"

Tushga qadar "Yoshlik" sport zalida 2006 yilda tavallud topgan yosh futbolchilar o'rtasidagi turnirning yarim final hamda uchinchi o'rin uchun bellashuvlari bo'lib o'tgan edi. 15:00da esa "O'zbekiston" sport majmuasida turnirning final bahsi bo'lib o'tdi. "Bunyodkor" hamda "Paxtakor" yoshlari o'rtasida o'tkazilgan uchrashuvda "qaldirg'ochlar" yirik 4:0 hisobida g'alaba qozonishdi. Final bellashuvidan so'ng g'olib va sovrindorlariga esdalik sovg'alari va medallar topshirildi. Eng muhimi, musobaqada ishtirok etgan hech bir jamoa norozi kayfiyatda ortga qaytmadi. Sababi, hatto to'rtinchi o'rinni egallagan "Lokomotiv" jamoasiga ham medal va kubok topshirildi. Turnir juda yuqori darajada o'tkazildi, bundan bolakaylar ham benihoya hursand bo'lishdi.

2006 yillar turniri
Final

"Bunyodkor" - "Paxtakor" 4:0