Bugun u "Bunyodkor"ga qarshi
19 avg 2024 12:09
Yangiliklar

Bugun u "Bunyodkor"ga qarshi

Bugun O'zbekiston Superligasining 16-turidan o'rin olgan "Navbahor" - "Bunyodkor" uchrashuvi bo'lib o'tadi.

"Navbahor" bosh murabbiyi Sergey Lushchan shogirdlarini o'zining qadrdon klubi hisoblangan "Bunyodkor"ga qarshi olib tushadi.

Lushchan futbolchilik davrida 2007 va 2008 yillarda "Bunyodkor" sharafini himoya qilgan va 28 ta o'yinda 5 ta gol urishga erishgan.

Murabbiy sifatida 2011-2013 yillarda "Bunyodkor" akademiyasida ishlagan, 2013-2014 yillarda esa "Bunyodkor-farm" jamoasini boshqargan. 2014 yildan 2017 yilga qadar "Bunyodkor" asosiy jamoasini boshqargan. Lushchan qo'l ostida "qaldirg'ochlar" O'zbekiston chempionatida 76 ta o'yin o'tkazib 43 ta g'alaba, 18 ta durang va 15 ta mag'lubiyat qayd etishgan.

2015, 2016 va 2017 yillarda "Bunyodkor" ushbu murabbiy qo'l ostida OCHL pley-off uchrashuvlarida g'alaba qozonib guruh bosqichiga yo'llanma olgan. Umumiy olganda Lushchan OCHLda bosh murabbiy sifatida "Bunyodkor"ni 21 marta maydonga boshlab tushgan va 3 ta g'alaba, 5 ta durang hamda 13 ta mag'lubiyat qayd etgan.

Bugunga qadar Sergey Lushchan bosh murabbiy sifatida "Bunyodkor"ga qarshi 4 marta o'ynagan. "So'g'diyona" ustozi sifatida 2018-2019 yillarda ushbu murabbiy boshchiligidagi Jizzax klubi "qaldirg'ochlar"ni bir marta mag'lub etgan, bir marta durang o'ynagan va ikki marta mag'lub bo'lgan (bitta mag'lubiyat kubokda qayd etilgan).

Navbahor

Jamshid Iskanderov - 17', Jamshid Iskanderov - 90'

Superliga. 16-tur

19/08/2024, 19:30

Tugadi

Bunyodkor

Andriya Filipovich - 8', Temurxo’ja Abduxoliqov - 60'

45'

90'