Bugun soat 13:00da U-23 Osiyo chempionatiga qura tashlanadi
24 okt 2017 10:40
Yangiliklar

Bugun soat 13:00da U-23 Osiyo chempionatiga qura tashlanadi

Teglar : O'zbekiston U-23 U-23 Osiyo chempionati

2018 yilning 9-27 yanvar kunlari Xitoyda navbatdagi U-23 Osiyo chempionati bo'lib o'tadi. Ushbu musobaqada 16ta jamoa g'oliblik uchun kurash olib boradi.

Bugun mazkur musobaqa uchun qura tashlash marosimi o'tkaziladi. Tadbir Toshkent vaqti bilan soat 13:00da boshlanadi. Hozirda ishtirokchi jamoalar to'rttadan to'rtta savatchaga bo'lib chiqilgan.

Amaldagi chempion Yaponiya va 2013 yilgi musobaqa g'olibi Iroq birinchi savatchadan joy olgan. SHuningdek, Xitoy ham musobaqa mezboni sifatida avtomatik ravishda birinchi savatchaga qo'yildi.

O'zbekiston U-23 terma jamoasi esa 3-savatchadan o'rin egalladi. Xabaringiz bor, bu musobaqada Ravshan Haydarov boshchiligidagi jamoa ishtirok etadi. Navbatdagi Osiyo chempionatida Malayziya bilan Falastin ilk bor qatnashishadi. Bugungi qura marosimida guruhlar, o'yinlar taqvimi to'liq malum bo'ladi.

Quyida savatchalarni keltirib o'tamiz:

1-savatcha - Xitoy, Yaponiya, Janubiy Koreya, Iroq

2-savatcha - Qatar, Iordaniya, KXDR, Avstraliya

3-savatcha - O'zbekiston, Suriya, Saudiya Arabistoni, Tailand

4-savatcha - Vetnam, Ummon, Falastin, Malayziya