Bugun: “Nasaf” - “SHo'rtan” uchrashuvi
09 noy 2017 09:00
Yangiliklar
![](https://championat.asia/upload/storage/287748_original.jpg)
![](/upload/storage/287748_220.jpg)
Bugun: “Nasaf” - “SHo'rtan” uchrashuvi
Voha derbisi - “Nasaf” – “SHo'rtan” uchrashuvi “Markaziy” stadionda soat 17:00da boshlanadi. “Ajdarlar” bugun oliy ligadagi 616-uchrashuvini o'tkazadi.
UCHRASHUV PREVYUSI
09.11.2017. “Markaziy” stadion. 17:00da
Bosh hakam: Axmadjon Ergashev (Toshkent)
Qanot hakamlari: Aleksandr Sidorov (Toshkent), Sultonmurod Ulfatov (Toshk.vil.)
Zaxira hakami: Baxtiyor Yulcharaev (Guliston)
Nazoratchi: SHamil Jumaev (SHaxrisabz)
O'zPFL vakili: Mamur Saidqosimov.
Axmadjon Ergashev bu yilgi chempionatda ilk marta jamoamiz ishtirokidagi uchrashuvni boshqaradi
Bugun mazkur jamoalar o'zaro navbatdagi 24-uchrashuvda maydonga tushishadi. O'tkazilgan 23 bahsning 17tasida “ajdarlar” g'alaba qozonishgan, “SHo'rtan” esa 5 uchrashuvda g'alabaga erishgan. Atigi bir uchrashuvda murosa ko'chasi tanlangan. Bu durang (0:0) 2010 yili Qarshida 8523 tomoshabin ko'z oldida kechgan.
To'plar nisbati 52-24 ko'rinishida, jamoamiz ustunligini ko'rsatmoqda.
“Nasaf – “SHo'rtan” jamoalari shu paytgacha Qarshida o'zaro 11 marta tuqnash kelishgan. Bu uchrashuvlarning 10tasida “ajdarlar” g'alaba qozonishgan, 1 uchrashuvda golsiz durang bo'lgan. “SHo'rtan” jamoasi, “Nasaf” ustidan Qarshida g'alabaga erisha olmagan.
Qarshidagi o'zaro uchrashuvlarda darvozalarga 34 marta gol kiritilgan. Gollar nisbati bo'yicha ham yaqqol ustunlik “Nasaf” tomonida – 26:8.
Bugun Qashqadaryolik futbol ishqibozlari yana bir qiziqarli uchrashuv guvohi bo'lishadi. Zero, bu ikki jamoa ishtirokidagi uchrashuvlar doimo shunday bo'lgan.
SHunday ekan, “Markaziy” stadionga tashrif buyuring va yaxshi dam oling!
O’xshash yangiliklar
![AMP Logo](https://championat.asia/image/logo-amp.png)
Fikrlar