Bugun "Lokomotiv"da katta futbol
01 apr 2016 11:35
Yangiliklar

Bugun "Lokomotiv"da katta futbol

Teglar : Lokomotiv

Bugun "Lokomotiv" o'z maydonida oliy liganing 3-tur uchrashuvini o'tkazadi. "Temiryo'lchilar" o'z uylarida vodiyning eng nomdor klublaridan biri "Neftchi"ni qabul qilishadi.

Xabaringiz bor, "Lokomotiv" joriy chempionatning dastlabki ikki uchrashuvini safarda aynan vodiy klublariga qarshi o'tkazib, avvaliga "Navbahor"ni 3:2, undan keyin "Andijon"ni 3:1 hisobida mag'lub etdi. Mana endi jamoamiz "Neftchi" bilan kuch sinashadi.

Bugungi o'yin "Lokomotiv" uchun o'z maydonidagi ochilish uchrashuv hisoblangani bois o'yin oldidan bir qator dasturlar o'rin olgan. Xususan o'yin boshlanishidan oldin estradamiz xonandalari hamda taniqli qiziqchi SHukrullo Isroilov muxlislar xizmatida bo'lishadi.

Biz "Lokomotiv"ga befarq bo'lmagan barcha muxlislarning TTZdagi "Lokomotiv" stadioniga chorlab qolamiz. Eslatib o'tamiz, oliy liganing 3-turidan o'rin olgan "Lokomotiv" - "Neftchi" bahsi soat 16:00da start oladi.

Havola :

Manba : lokomotiv.uz

Yangiliklarni Telegramda o'qing!

Reyting: +1