Bugun futbol. "Surxon" - "Turon"

Termizda "Surxon" Yaypanning "Turon" klubini qabul qiladi. Bugun surxondaryolik muxlislar turnir jadvalining quyi pog'onalarida borayotgan ikki jamoaning o'zaro bahsiga guvoh bo'lishadi. "Surxon" 8-tur yakunlariga ko'ra, 4 ochko bilan 13-pog'onada borayotgan bo'lsa, hali bitta ham g'alabaga erishmagan "Turon" uch ochko to'plagan holda oxirgi o'rinni egallab turibdi. 

Termizliklar shu paytgacha bir martadan g'alaba va durang qayd etib, 6 bor mag'lub bo'lishdi. To'plar nisbati 3-14. "Turon" hisobida esa uchta durang va 5ta mag'lubiyat bor. To'plar nisbati 4-12. 

"Surxon" o'zining yagona g'alabasini dastlabki turda "Metallurg" ustidan qo'lga kiritib, bunda maydon egalari 1:0 hisobida zafar quchishdi. SHundan so'ng bu jamoa bir marta durang o'ynab, qolgan o'yinlarda imkoniyatni boy berdi. Yana bir fakt shuki, "Surxon" qatorasiga besh o'yindan beri faqat mag'lubiyatga uchrayapti. 

"Turon" esa mavsumni ketma-ket ikki mag'lubiyat bilan boshlab, 3-turda "Loko" bilan durang qayd etdi. SHundan so'ng yana beshta bellashuvda maydonga tushgan yaypanliklar ikki durang va uch mag'lubiyat qayd etishdi. Oxirgi uchta bellashuvni o'z maydonida o'tkazgan "Turon" "Paxtakor" bilan 1:1 o'ynab, AGMK va "Qizilqum" bilan kechgan bahslarda bir xil 0:1 hisobida mag'lub bo'ldi. 

Ko'rinib turibdiki, bugun Termizda "jang" bo'ladi, zero har ikki klubga ham g'alaba suv va havodek zarur. Va bu o'yinda kim favorit ekanligini yaqqol aytish mushkul.

Surxon Nuriddin Hasanov - 68'

Superliga. 9-tur 19/05/2021, 17:30 0 : 1 Tugadi

Turon

45'

90'

68'  Nuriddin Hasanov

Match-senterda ochish