Bugun futbol. "Nasaf" - "Navbahor"

“Nasaf” birinchi davraning so'nggi 15-tur uchrashuvini Namanganning “Navbahor” jamoasiga qarshi o'tkazadi. Uchrashuv G'uzor shahridagi “G'uzor” markaziy stadionida soat 19:00da boshlanadi.

O'zPFL 15-tur
“Nasaf” (Qarshi) - “Navbahor” (Namangan)
25.06.2017. “G'uzor” markaziy stadioni. 19:00da
Bosh hakam: Zokir Qodirov (Navoiy)
Qanot hakamlari: Timur Galeev, Akbar Po'latov (Toshkent)
Zaxira hakami: Jasur Muxtorov (Toshkent)
Nazoratchi: Marat Ismoilov (Toshkent)
O'zPFL vakili: Nail Lutfulin.
 
Bu uchrashuv jamoalarning chempionatdagi 41-o'zaro uchrashuvi bo'ladi. Bungacha jamoalar 40 bor o'zaro kuch sinashishgan. 21 uchrashuvda “ajdarlar” g'alabaga erishishgan. 10ta o'yinda “lochinlar”ning qo'li baland kelgan. Qolgan 9ta bahsda jamoalar murosa ko'chasini tanlashgan. To'plar nisbati 70-59 “Nasaf” foydasiga.

Qarshida bo'lib o'tgan o'zaro uchrashuvlar tarixiga nazar tashlasak. Yaqqol ustunlik “Nasaf” tomonida ekanligiga guvoh bo'lamiz. Jamoalar Qarshida 20 marta kuch sinashishgan. Ularning 17tasida “ajdarlar” g'alabaga erishgan. Faqat 1 uchrashuvda murosa ko'chasi tanlangan. Bu durang 2012 yili qayd etilgan. Namanganliklarning 2 uchrashuvda qo'llari baland kelgan. Bu uchrashuvlar 1998 va 1999 yilgi mavsumlarda bo'lib o'tgan. To'plar nisbatini 47-18 ko'rinishda. “Nasaf” foydasiga.

Qarshidagi o'zaro uchrashuvlarda “Navbahor” jamoasi “Nasaf”ni so'nggi bor 1999 yili mag'lubiyatga uchratgan va 2012 yili oxirgi durang natijaga erishgan.

“Navbahor” jamoasida bitta yo'qotish bor, bugungi uchrashuvda diskvalifikaciya tufayli Dilshod Jabborov “Navbahor”ga yordam bera olmaydi.

Bugun jamoamiz muxlislari “ajdarlar”dan g'alaba kutishmoqda. Zero, jamoamizning oxirgi mag'lubiyati ularni ancha ranjitib qo'ygan. Umid qilamizki, futbolchilarimiz bugun bor mahorati va kuchini namoyish qilishib, o'z muxlislariga  ajoyib bayram sovg'asini taqdim etishadi.

Olg'a “Nasaf”!