Bugun futbol. "Mashal" - "Bunyodkor"

CHempionlik uchun kurashayotgan "Bunyodkor" safarda "Mashal" mehmoni bo'ladi. 

Oliy liga, 18-tur. 14 avgust

MASH'AL - BUNYODKOR

Boshlanish vaqti - 18:30.

Bosh hakam: Zokir Qodirov

Turnir jadvalidagi o'rni: "Mashal" 11-o'rinda (19 ochko), "Bunyodkor" 2-o'rinda (40 ochko). 

Ochkolar orasidagi farq - 21 ochko. 

Tarif: Qiziqarli kechishi kutilayotgan bahslardan biri. Ikkinchi davrani ketma-ket ikki mag'lubiyat bilan boshlagan "Mashal" endi "Bunyodkor"dan ochko olishga harakat qilib ko'radi. O'z navbatida "Bunyodkor" chempionlik uchun kurashmoqda va jamoa Muborakda g'alaba qozonishna urinib ko'radi. 

Fakt: Aytib o'tganimizdek, "Mashal" oxirgi ikkita o'yinda imkoniyatni boy berdi. Jamoa avvaliga "Qizilqum"dan 0:1, keyin "Metallurg"dan 0:6 hisobida mag'lubiyatga uchradi. "Mashal" ikkinchi davrada hali to'p kirita olgani yo'q. Muborakliklar uyda hozircha 8ta o'yinda maydonga tushib, shundan beshtasida g'alaba qozonishgan va uch marta yutqazib qo'yishgan. Jamoa o'z uyida hali durang o'ynamagan. "Mashal"ning uy uchrashuvlarida to'plar nisbati 14-8. 

Fakt: "Bunyodkor" ikkinchi davrani mag'lubiyat bilan boshladi. Jamoa safarda "Neftchi"ga yutqazib qo'ydi. Keyingi turda esa "So'g'diyona" mag'lub etildi. "Bunyodkor" hozircha safarda to'qqizta o'yin o'tkazgan bo'lib, shundan beshtasida zafar quchgan, uch bor durang qayd etib, bir marta mag'lub bo'ldi. "Bunyodkor"ning safar bellashuvlaridagi to'plar nisbati 14-5. 

Fakt: "Bunyodkor" o'z maydonida hali mag'lubiyatga uchramagan, biroq bir marta durang o'ynagan. Va shu durang aynan "Mashal" bilan kechgan bahsda sodir bo'lgandi. O'yinda hisob ochilmagan - 0:0. 

Eslatma: Kecha o'tkazilgan Yoshlar ligasi uchrashuvida "Bunyodkor" 2:1 hisobida g'alaba qozondi.