Bugun futbol. "Buxoro" - "Navbahor"

“Buxoro” (Buxoro) – “Navbahor” (Namangan)
Hakamlar: T. To'xtasinov (Andijon), Z. Abdurahmonov (Andijon), A. Marajabov (Andijon), I. Xudaydatov (Toshkent)
Nazoratchi: O. Dachev (Toshkent)
O'zPFL vakili: A. Frolov

Jadvaldagi o'rni: "Buxoro" 4-o'rinda (16 ochko), "Navbahor" 5-o'rinda (16 ochko).

O'yindan nima kutyapmiz? Jadvalda bir xil ochkoga ega jamoalarning o'zaro bahsi. Bugun Buxoroda muxlislar qiziqarli o'yin guvohi bo'lsa ajab emas. Imkoniyatlar borasida maydon egalarini biroz ustun deya olamiz. Qolaversa, "Buxoro"ning o'yini "Navbahor"ga nisbatan birmuncha kuchli.

Fakt: "Buxoro" shu paytgacha uyda faqat bir marta mag'lub bo'lib, uchta bellashuvda g'alaba qozongan. SHuningdek bir bor durang o'ynagan. To'plar nisbati 8-3. "Buxoro" o'z maydonida "Olmaliq", "Neftchi" va "SHo'rtan"dan ustun kelgan. Qizig'i shundaki, "Buxoro" yutgan o'yinlarda gol o'tkazmagan.  

Bilasizmi? "Buxoro" o'z maydonidagi yagona mag'lubiyatni 3-turda "Obod"dan qabul qilib olgan. Lekin hozir "Obod" qaerda-yu, "Buxoro" qayoqda...

Fakt: "Navbahor"ning safardagi ishlari bir yurishib bir yurishmayapti. Jamoa hozirgacha to'rtta o'yin o'tkazgan bo'lsa, shundan faqat bittasida g'olib chiqqan. Samarqandda "Dinamo" 1:0 hisobida mag'lub etilgan. Safar o'yinlarida to'plar nisbati 2-3.

Bilasizmi? "Navbahor" safardagi oxirgi ikki o'yinida to'p kirita olmadi. Bundan tashqari, bu jamoa ketma-ket uchta uchrashuvdan beri g'alaba qozona olmayapti.