Bugun bayram, "CA" 4 yoshda!

Bugunga kelib, o'zbek futbolida o'zining rosmana o'rniga ega bo'lib olgan saytimiz minglab o'quvchilariga ega.

Mana endi biz saytning bemalol o'zbek futbolida o'z o'rni bor deb ayta olamiz. Mini futboldan tortib, nazardan chetda qolgan birinchi ligagacha, suratlar-u, oliy liga laureatlarigacha. Turli yoshdagi terma jamoalarimizning goh O'zbekistonda, goh chet elda bo'lib o'tadigan musobaqalarigacha kechikmay xabar berib kelayotgan saytimiz bor. Buning zamirida hazilakam bo'lmagan katta mehnat yotibdi.

Bu borada ustozlarning o'giti-yu, shogirdlarning mehnati, O'zbekiston futboli bo'ylab orttirgan tanishlarimizning qo'llab-quvvatlashi va deyarli barcha tashkilotlar bilan o'rnatgan aloqalarimiz ish berdi deb aytgan bo'lar edim.

Umuman olganda, 4 yil juda oz muddat, ammo qilingan ishlarni sarhisob qiladigan bo'lsak, oz ishlanmaganini ko'ramiz. Balki saytda chiqayotgan xabarlar sizlar uchun oddiy ko'rinishi mumkin, ammo har bir xabar va maqolaning ortida turadigan masuliyat, bazi klublarning "qiyshayishi", murabbiylarning kesatishi-yu, futbolchilarning nolishi. Muxlislarning "tosh otishi"dan tortib, asabingizni buzilishi... Eh-he deb yuborasan kishi. Ammo bizga o'z kasbimiz yoqadi, futbolchi bo'la olmagan, ammo futbol ichida yashayotgan soha vakillarimiz!

Bizning saytda o'quvchilar shunchaki "komment" qoldirmaydilar, bizning saytda ular bir oila. Umuman olganda, futbolimizdagi deyarli barcha murabbiyi-yu, futbolchilar saytimizning o'quvchilari hisoblanadi.

Yaqin kunlarda sizlar uchun, mega sovg'amiz bor! Buning uchun biz bilan bo'ling!