Bugun APLda yana oltita o'yin o'tkaziladi

Oldinroq, "Suonsi" - "Manchester Yunayted" o'yiniga bag'ishlangan prevyuni etiboringizga havola etgan edik. Quyida bugun bo'lib o'tadigan qolgan uchrashuvlarni keltirib o'tamiz.

APL, 2-tur
"Bornmut" – "Uotford"
19.08.2017, 19:00
"Liberti stedium"
Bosh hakam: Rodjer Ist (Uiltshir)

Qiziq:

- "Bornmut" klubi "Uotford"ga qarshi oxirgi ettita o'yinda mag'lub bo'lmagan (1 g'alaba, 6 durang);
- Bu jamoalarning APLda o'tkazgan o'zaro to'rtta o'yinida ham durang qayd etilgan;
- "Uotford" hujumchisi Troy Dini "Bornmut"ga qarshi oxirgi ettita bahsda 5ta gol urgan va bitta golli pas bergan.



"Bernli" – "Vest Bromvich"
19.08.2017, 19:00
"Terf Mur"
Bosh hakam: Martin Atkinson (Lids)

Qiziq:

- "Bernli" hujumchisi Sem Vouks APLda oxirgi oltita o'yinda ettita gol urdi;
- Agar bugun "Bernli" g'alaba qozonsa, 1973-1974 yilgi mavsumdan keyin ilk bor elitani ikkita g'alaba bilan boshlagan bo'ladi. Agar Vest Bromvich" yutsa, ular buni 1978-1979 yilgi mavsumdan keyin birinchi bor uddalashgan bo'lishadi.



"Lester" – "Brayton"
19.08.2017, 19:00
"King Pauer"
Bosh hakam: Li Probert (Uiltshir)

Qiziq:

- Bu jamoalar "Lester" CHempionshipda g'olib chiqqan 2013-2014 yilgi mavsumda ikki bor to'qnash kelishgan. Qizig'i, o'shanda har ikkala qarama-qarshilikda ham "Brayton" ustun chiqqan;
- "Lester" Premer-liga debyutantlariga qarshi oxirgi 12ta uy uchrashuvida mag'lub bo'lmagan (7 g'alaba, 5 durang).



"Liverpul" – "Kristal Pelas"
19.08.2017, 19:00
"Enfild Roud"
Bosh hakam: Kevin Frend (Lestershir)

Qiziq:

- Bu jamoalarning o'zaro o'tkazgan oxirgi 10ta o'yinida har ikki tomon ham gol urishni uddalagan. Ana shu uchrashuvlarda muxlislar o'rtacha 3.9tadan gol ko'rishgan;
- Bugun "Kristal Pelas" APLda "Enfild Roud"dan ketma-ket to'rtta o'yinda g'alaba bilan qaytgan tarixdagi birinchi jamoaga aylanishi mumkin;
- Kristian Benteke Premer-liga doirasida "Enfild"ga mehmon jamoa o'yinchisi sifatida kelgan oxirgi 3ta o'yinida 5ta gol urgan. Belgiyalik boshqa stadionlarda bunchalik ko'p to'p kiritmagan.



"Sautgempton" – "Vest Xem"
19.08.2017, 19:00
"Sent-Meris"
Bosh hakam: Li Meyson (Bolton)

Qiziq:

- Bugun Sautgempton" 2011 yilning aprelidan buyon APLda ketma-ket 4ta o'yinni uyda o'tkazgan birinchi klub bo'ladi. So'nggi bor "Blekpul" chempionatda qatorasiga 4 o'yinni uyda o'tkazgan;
- "Vest Xem" sardori Mark Nobl chempionatda "Sautgempton"ga beshta gol urgan, bu jamoadagi istalgan o'yinchidan ko'p.



"Stok Siti" – "Arsenal"
19.08.2017, 21:30
"Britannia"
Bosh hakam: Andre Marriner (Birmingem)

Qiziq:

- "Stok Siti" APLda "Alsenal"ga qarshi o'tkazgan oxirgi 7ta uy o'yinida bor yo'g'i bir marotaba mag'lub bo'lgan (3 g'alaba, 3 durang, 1 mag'lubiyat);
- "Arsenal" 2009-2010 yildan keyin ilk bor mavsumni ikkita g'alaba bilan boshlashi mumkin;
- Aleksandr Lakazett Premer-ligadagi dastlabki ikkita o'yinida gol urgan birinchi "to'pchi" bo'lishi mumkin.