Brendan Rojers: “SHubhasiz, SHmeyxel Alisson va Ederson bilan bir xil darajada“

Eslatib o'tamiz, Alisson “Liverpul“ darvozasini qo'riqlasa, Ederson “Manchester Siti“ning asosiy darvozaboni hisoblanadi.

“Kasper shubhasiz, Alisson va Ederson bilan bir xil darajada. U Angliyadagi eng yaxshi darvozabonlardan biri. Umid qilamanki, siz uning barcha kuchli fazilatlarini ko'rgansiz. Hamma uning otasi haqida gapiradi, lekin uning o'zi ham qiyin yo'lni bosib o'tgan. U ijaraga ketdi, SHotlandiyada o'ynadi. Siz Peter SHmeyxelning o'g'li sifatida o'zini ko'rsatish qanchalik qiyinligini bilmaysiz, ammo u buni umr bo'yi qilgan“ - deydi Rojers.

Kasper SHmeyxelning otasi Peter 90 yillarda “Manchester Yunayted“dagi o'yinlari orqali tanilgan.

Kichik SHmeyxel "Lester"da 2011 yildan beri to'p surmoqda. 2015/16 yilgi mavsumda u “tulkilar“ bilan Angliya chempionligini qo'lga kiritdi.