BREAKING NEWS. Rossiya klubi Jasur Jaloliddinovni deyarli 1 million evroga sotib olmoqchi
04 iyu 2020 20:04
Yangiliklar

BREAKING NEWS. Rossiya klubi Jasur Jaloliddinovni deyarli 1 million evroga sotib olmoqchi

Championat.asia sayti malumotiga ko'ra, Moskvaning "Lokomotiv" klubi "Bunyodkor" hamda O'zbekiston terma jamoasi azosi Jasur Jaloliddinovga jiddiy qiziqib qolgan.

Ushbu transfer 900 ming evroga baholanmoqda. Malumot uchun, futbolchining agenti mashhur futbol funkcioneri Yuriy Belous hisoblanadi. Etiborlisi so'nggi kunlarda ko'plab rus saytlari Belous "Lokomotiv" klubi sport direktori bo'lishi haqida yozishmoqda.

Yuriy Belous Futbol Market kompaniyasi direktori lavozimida ishlab keladi. SHuningdek, malum vaqt "Rostov" klubi bosh direktori, "Lokomotiv" klubida vice-prezident hamda "Moskva" va "Torpedo" jamoalarida rahbarlik qilgan. Ayni damda esa futbol agenti sifatida faoliyat ko'rsatmoqda. Belous o'zbek futboliga begona emas. U Vadim Abramov bilan yaxshi munosabatda. Agent 2019 yil noyabr oyida Toshkentga tashrif buyurgan va O'zbekiston - Qirg'iziston uchrashuvini stadiondan kuzatgan edi.

Eslatib o'tamiz, Jasur Jaloliddinov may oyida 18 yoshga to'ldi. U o'tgan yil so'nggida Italiyaning Filippo Indzagi boshchiligidagi "Benevento" klubi mashg'ulotlarida qatnashib qaytgan edi.