"Brayton" Kukurelyani "Man Siti"ga 30 mln funtga sotishni rad etdi

"SHaharliklar" 23 yoshli ispaniyalik futbolchi uchun 30 million funt taklif qilishdi. "Brayton" esa ushbu narx evaziga o'yinchi bilan xayrlashishni rad etdi. Klub futbolchi uchun 50 mln funt olmoqchi.

"Manchester Siti" yangi shartnoma tayyorlashga va narxni biroz ko'tarishga tayyor, ammo "Brayton" o'z talablarini pasaytirishini xohlaydi. Aks holda, Angliyaning amaldagi chempioni Kukurelya bilan shartnoma imzolash g'oyasidan voz kechadi va boshqa nomzodlar qidiradi.

Kukurelya o'tgan mavsum "Brayton" tarkibida 38ta o'yinda 1ta gol va 2ta assist qayd etdi.