Branko Ivanovich: “Persepolis”ni qiyin o'yin kutib turibdi”

- Avvalo, muxlislarni ertangi uchrashuvga chorlab qolgan bo'lardim. Hozir “Persepolis” uchun ishqibozlar daldasi juda-juda muhim. “Bunyodkor”ga qarshi bo'lib o'tadigan muhim bahsda muxlislarimiz yordami bilangina g'alaba qozonishimiz mumkin. “Bunyodkor”ning musobaqa jadvalidagi o'rni o'ziga umuman yarashmaydi. CHunki jamoa ko'rsatayotgan o'yin guruh autsayderlarga xos emas. SHuni aniq ayta olamanki, “Persepolis”ni juda murakkab o'yin kutib turibdi. Yana bir narsa. Keyingi bosqichga chiqishimiz uchun durang ham kifoya qilishi mumkin. Biroq bunday holatda taqdirimiz “Al-Nasr” – “Lahviya” uchrashuviga bog'liq bo'lib qoladi. SHunday ekan, ertaga faqat g'alaba qozonish haqida o'ylashimiz kerak. Yarim himoya va orqa chiziqdagi futbolchilarimizdan xushyorlikni, hujumchilarimizdan esa aniqlikni kutib qolaman, - deydi Branko Ivanovich.