Branko Ivankovich: "Biz xotirjammiz"

Bugun Eronning "Persepolis" klubi BAAda "Al Jazira" mehmoni bo'ladi. O'yin Toshkent vaqti bilan 20:30da boshlanadi. Uchrashuvdan oldingi matbuot anjumanida eronliklar ustozi Branko Ivankovich raqibdan aslo cho'chimayotganini aytib o'tdi.

"Biz kekkayishimiz kerak emas, lekin xotirjammiz. "Al Jazira" kuchli jamoa va uyda o'ynash ularga ustunlik beradi. Ammo biz ham to'qnashuvga tayyormiz. Tarkibda bitta yo'qotish bor: BAAga Jalol Husayni kela olmadi. Men raqibning "Al Vahda"ga qarshi o'yinini ko'rdim. Ular 0:3 hisobida mag'lub bo'lishdi, ammo CHempionlar ligasi butunlay boshqa musobaqa ekanini unutmaylik. "Persepolis" oxirgi yillarda ancha kuchaydi va raqibdan qo'rqadigan joyimiz yo'q", - deydi xorvatiyalik murabbiy.