So’nggi yangiliklar

09:43Испания терма жамоасининг бўлажак ўйинлар учун таркиби маълум  0 09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  11 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  8 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5

Bosh maqsad - Surxondaryo futboli nufuzini ko'tarish Yangiliklar

Bosh maqsad - Surxondaryo futboli nufuzini ko'tarish

Teglar :  SurxondaryoSurxon
Bugun Surxondaryo viloyati hokimligida vohada futbol ommaviyligini oshirish va yanada rivojlantirish masalalariga bag'ishlangan yig'ilish bo'lib o'tdi.

Tadbirda viloyat madaniyat va sport boshqarmasi, futbol federaciyasi, bolalar va o'smirlar sport maktablari, tuman hokimliklari va boshqa mutasaddi tashkilotlar vakillari qatnashdi.

Yig'ilishni viloyat hokimi, viloyat futbol federaciyasi prezidenti Erkinjon Turdimov ochdi va olib bordi.

- Surxondaryo azaldan istedodli va mahoratli futbolchilarga boy, - dedi Erkinjon Oqbo'taevich. - Ammo oxirgi yillarda viloyatda bu sohada amalga oshirilgan ishlarni qoniqarli baholab bo'lmaydi. Viloyat futbol federaciyasi ishini tanqidiy tahlil qilib zarur choralar ko'rishni davr talab etmoqda. Surxondaryolik o'nlab istedodli futbolchilar bugun oliy liganing bir qator klublari va mamlakat o'smirlar, yoshlar hamda milliy terma jamoalari sharafini himoya qilayotgan bir pallada viloyatda na ikkinchi liga va na viloyat kubogi uchrashuvlari o'tkazilmayotganligini oqlab bo'lmaydi. Bolalar ligasi haqida gapirish esa ortiqcha. Viloyatda futbol muxlislar ko'p. Yangi-yangi istedodlar sport maktablarida tarbiyalanmoqda. Ammo ularning voyaga etgandan so'ng jamoa topa olmay ora yo'lda yo'qolib ketayotganlari ham yo'q emas. SHularni hisobga olgan holda viloyatning bosh jamoasi - “Surxon” (Termiz) futbol klubini tashkil qildik. “Neftchi” (Jarqo'rg'on) jamoasining sport bazasi talabga javob bermaganligi tufayli uning o'rniga birinchi ligada “Surxon” futbol klubi qatnashadi. Jamoa uy uchrashuvlarini Termizdagi “Alpomish” stadionida o'tkazadi. Futbolchilar va murabbiylar shtabi uchun Termiz shahrida barcha shart-sharoitlar yaratish ishlari allaqachon boshlab yuborilgan.

Yig'ilishda bir qator tashkiliy masalalar ko'rib chiqildi. Jumladan, shu kungacha viloyat futbol federaciyasi birinchi vice-prezidenti vazifasida ishlab kelgan Erkin Boqiev o'z vazifasidan ozod etildi. Uning o'rniga mamlakatimizning “To'palang” (Sariosiyo), “Buxoro”, “Surxon” (Termiz) jamoalarida o'ynagan, oxirgi paytda Sariosiyo tuman BO'SMida murabbiy-o'qituvchi bo'lib ishlagan Najmiddin Meliqulov viloyat futbol federaciyasi birinchi vice-prezidenti etib tayinlandi.

Turli yillarda “Nasaf” (Qarshi), “Qizilqum” (Navoiy) professional futbol klublarida matbuot xizmati rahbari bo'lib ishlagan Erkin Xolboboev “Surxon” professional futbol klubi Ijrochi direktori, “Mashal” (Muborak), “Norin” (Haqulobod) jamoalarida faoliyat ko'rsatgan mutaxassis Vali Keldiev esa “Surxon” jamoasi bosh murabbiyi sifatida ish boshladi.

Reyting: +12   

Fikrlar

championat.asia
< so’nggi yangiliklarni ko’rish
Яндекс.Метрика