Bolalar futboli. “Paxtakor” tarbiyalanuvchilarida bir g'alaba va ikki mag'lubiyat
24 avg 2014 14:43
Yangiliklar

Bolalar futboli. “Paxtakor” tarbiyalanuvchilarida bir g'alaba va ikki mag'lubiyat

Futbol bo'yicha bolalar-o'smirlar o'rtasida Toshkent shahar chempionatining ikkinchi davrasidan o'rin olgan 17-tur bahslari bo'lib o'tdi. “Paxtakor” futbol maktabining uchta yoshdagi guruhi bugun “Bunyodkor” tarbiyalanuvchilariga qarshi maydonga tushdi.

Dmitriy An boshqarayotgan “Paxtakor-2003” 0:1 hisobida imkoniyatni boy bergan bo'lsa, “Paxtakor-2001” 2:0 hisobida zafar quchdi. Bu guruhni ayni paytda Stanislav Kudryashov boshqarmoqda. Yana bir o'yin “Paxtakor-2000” va “Bunyodkor-2000” o'rtasida o'tkazildi va bunda Temur Olimxo'jaev shogirdlari 0:2 hisobida mag'lub bo'lishdi.

“Paxtakor-2002” Bahodir Ibrohimov xotirasiga bag'ishlangan turnirda ishtirok etayotgani bois mazkur guruh o'yinlari biroz kechroq muddatga qoldirilgan. Rustam Qurbonboev boshqarayotgan “Paxtakor-1999”ning o'yinlari ham boshqa kunga qoldirildi, chunki ular kecha Qozog'istondagi turnirdan qaytib kelishdi.

SHuningdek, Anvar Hafizov boshqaruvidagi “Paxtakor-1998” ishtirokidagi bahslar o'smirlar terma jamoamizning Osiyo chempionatiga borib kelganidan keyin bo'lib o'tadi. CHunki O'zbekiston U-16 o'smirlar terma jamoasiga “Paxtakor-98”dan 8 nafar futbolchi jalb etilgan. “Paxtakor” tarbiyalanuvchilari navbatdagi tur bellashuvlarini 26 avgust kuni o'tkazishadi. SHu kuni “Spartak”ka qarshi o'yinlar bo'lib o'tadi.

Bolalar-o'smirlar o'rtasida Toshkent shahar chempionati.

17-tur, 24 avgust
“Bunyodkor-2003” - “Paxtakor-2003” - 1:0
“Bunyodkor-2001” - “Paxtakor-2001” - 0:2
“Bunyodkor-2000” - “Paxtakor-2000” - 2:0

Havola :

Manba : championat.asia

Yangiliklarni Telegramda o'qing!

Reyting: