Bobur Zuhriddinov: “Bunyodkor”dan menga taklif bo'lgani yo'q”

Bobur Zuhriddinov “Bunyodkor”da ish boshlashi mumkin, degan xabarlar tarqalgandi. Murabbiyning o'zi ushbu xabarlarni inkor etdi.

“Kuni kecha “Bunyodkor” akademiyasiga qarashli maydonda “Bunyodkor” yoshlari va “Neftchi” jamoasi o'rtasidagi uchrashuvni tomosha qilish uchun u erga borgandim. Lekin, Bobur Zuhriddinov “Bunyodkor”da ish boshlashi mumkin, degan xabarni o'zim eshitmadim. “Bunyodkor” jamoasidan menga hech qanday taklif bo'lgani yo'q. Ustozim Sergey Lushanni mashg'ulotlarini tomosha qilib o'zim uchun kerakli bo'lgan narsalarni o'rganib yurgandim. “Obod” jamoasida murabbiy bo'lishimdan oldin ham Sergey Lushanni mashg'ulotlarini o'rganib yurardim. Hozir bo'sh bo'lib qolganim uchun vaqtdan unumli foydalanishga harakat qilib “Bunyodkor”ga borib ustozimni mashg'ulotlarini tomosha qilib o'zimga kerak bo'lgan narsalarni o'rganib yuribman. Hozircha hech qaysi jamoalardan menga taklif bo'lgani yo'q. Hozircha kelajagim haqida hech nima deya olmayman, barchasini vaqt ko'rsatadi. O'zim aniq bir to'xtamga kelganim yo'q”, - deydi Bobur Zuhriddinov.

Jahongir Sotvoldiev