Birinchi liga yakuni. Liganing doimiy ishtirokchisi “NBU-Osiyo” haqida

Jamoa birinchi bosqichni avvaliga yomon o'tkazmagandi. Ammo ikkinchi bosqichga kelib esa kutilmaganda, jamoa ketma-ket qimmatli ochkolarni boy bera boshladi.

Buning natijasida “NBU-Osiyo”ning turnir jadvalidagi mavqei ham pastlab ketdi. Xolbuki davralar oralig'ida tarkibda jiddiy yo'qotishlar kuzatilmadi. Aksincha Farruh Nurliboev, Javlon Guseynov singari oliy liga xavosini olgan futbolchilar ikkinchi bosqchi arafasida klubga o'tgandi.

Jamoaning bu mavsumda eng keksa futbolchisi bu – Aleksandr Xvostunov bo'ldi. Joriy yil 39 yoshini qarshi olgan tajribali himoyachi “NBU-Osiyo”da sardor sifatida o'ynab, yoshlarga o'rnak bo'ldi deyish mumkin.

“NBU-Osiyo” safida harakat qilgan eng yosh futbolchi himoyachi Husniddin G'ofurov bo'ldi. Farg'onalik futbolchi 1997 yilda tavallud topgan. SHoshmang, bu ayni paytda “Yavor” safida harakat qilayotgan G'ofurov emas. Uning jamoadagi adashini nazarda tutmoqdamiz.

Klub ikkinchi bosqichda chempionat peshqadami “Mashal”ni Toshkentda 1:0 hisobida mag'lubiyatga uchrata olganini alohida takidlash joizdir.  Jamoaning eng shov-shuvli natijasi ham shu bo'ldi.

“Bankirlar” ikkinchi bosqichning 16ta bahsida raqib darvozasiga hammasi bo'lib, 20ta to'p kiritdi. Har bir uchrashuvga o'rtacha, 1,25tadan gol demakdir.

Ikkinchi bosqichda jamoa safida eng ko'p gol urgan futbolchi Abdulatif Abduqodirov bo'ldi, 6ta.  

Kim qancha gol urdi?

Futbolchi		Gol	(pen)
Abdulatif Abdukodirov		6
Oleg Drajjuk		4
Islom Karimov		3
Jamshid Hoshimov		2
Davron Valijonov		1
Husniddin G'ofurov		1
Javlon Guseynov		1
Farruh Miryunusov		1

Jamoa statistikasi O'yinlar 16 Gollar 20 Uydagi gollar 11 (55%) Safardagi gollar 9 (45%) O'tkazib yuborilgan gollar 30 Uyda o'tkazib yuborilgan gollar 10 (33,33%) Safarda o'tkazib yuborilgan gollar 20 (66,67%) Har bir o'yinda urilgan o'rtacha gollar 1,25 Har bir o'yinda o'tkazib yuborilgan o'rtacha gollar 1,88 Uyda to'plangan ochkolar 15/24 (62,5 %) Safarda to'plangan ochkolar 5/24 (20,83 %) Eng yirik g'alaba 3:0 - Alanga Eng yirik mag'lubiyat 0:4 - Zarafshon, Mashal Gol o'tkazilmagan o'yinlar 5 (31,25%) Golsiz o'yinlar 5 (31,25%) Irodali g'alaba 0 Irodali durang 1 Irodasiz mag'lubiyat 0 Irodasiz durang 0 Yirik g'alaba 1 Yirik mag'lubiyat 4 Avtogol (urilgan/o'tkazilgan) 1/1 Ogohlantirish (o'rtacha) 35 (2,19) CHetlatish (o'rtacha) – To'g'ridan-to'g'ri/2SK 3 (0,19) - 2/1 Tomoshabin (umumiy/o'rtacha) 6217/389 Islombek Rustambekov tayyorladi