Birinchi liga. Tezlikni pasaytirib yuborgan “Oq-tepa” haqida
25 iyu 2014 20:20
Yangiliklar

Birinchi liga. Tezlikni pasaytirib yuborgan “Oq-tepa” haqida

Mavsum avvalida matbuot anjumani tashkil etib, oliy ligaga chiqish vazifasi qo'yilganini takidlagan “Oq-tepa” rahbariyati aftidan bu fikridan qaytgan ko'rinadi.

Har xolda chetdan bizga shunday tuyulmoqda. Aleksandr Mochinov boshchiligidagi “Oq-tepa”ni shashti yuqori edi. Biroq murabbyi kutilmaganda, toshkentliklar safini tark etishga qaror qildi. SHundan so'ng boshqaruv postiga kelgan Furqat Esonboev tabiiyki o'z qarashlariga asoslanib o'zgarish qilishni boshlab yubordi. Lekin Furqat Erkinovich bilan jamoada ish boshlagan ilk kunlarida suhbatlashganimizda, oliy ligaga chiqish uchun kurashishdan qaytmasligini bildirib o'tgandi.

Birinchi bosqichning o'zidayoq oliy ligada ishlagan Eldor Sakaev va Anvar Jabborov murabbiylar shtabida ish boshladi. Davralar oralig'ida esa Esonboev o'zi yaxshi bilgan o'yinchilarni yig'ishga harakat qilmoqda.
Ko'ramiz, “Oq-tepa”ning yangi murabbiyi ikkinchi bosqichda o'zini ko'rsata olarmikin.

Jamoa birinchi bosqichda hammasi bo'lib 44ta to'p kiritdi. SHundan 10tasini Maruf Ahmadjonov o'z hisobiga yozdirib qo'ygan bo'lsa, qolgan gollarga 9ta futbolchi mualliflik qildi.

“Oq-tepa” shuningdek o'z darvozasidan 28ta to'p o'tkazib yuborgan. Birinchi bosqichda jamoa darvozasini SHoxruh Eshbo'taev, Artur Parvanov hamda Asilbek Omonov qo'riqlaganini aytib o'tish darkor. Albatta bu elitaga chiqishni ko'zlayotgan jamoa uchun salbiy natijadir.

Kim qancha gol urdi?

Futbolchi	Gol	pen.
Maruf Ahmadjonov	10
Nikita Pavlenko	7
Alisher SHog'ulomov	7	(2)
Sergey Rekun	5
Sobir Usmonxo'jaev	3	(1)
Zafar Qoraqulov	2
Nodir Teshaboev	2
Zokir Mirzaahmedov	2	(2)
Farhod Mirahmatov	1
Xurshid Nabijonovich Yuldashev	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	21
Gollar	41
Uyda	22 (53,66%)
Safarda	19 (46,34%)
O'tkazib yuborilgan gollar	28
Uyda	20 (71,43%)
Safarda	8 (28,57%)
O'rtacha urilgan gollar	1,95
O'rtacha o'tkazib yuborilgan gollar	1,33
Uydagi ochkolar	20/33 (60,61 %)
Safardagi to'plangan ochkolar	22/30 (73,33 %)
Eng yirik g'alaba	5:1 - CHust-Paxtakor
Eng yirik mag'lubiyat	1:4 - Istiklol
Gol o'tkazmagan o'yinlar	6 (28,57%)
Gol ura olmagan o'yinlar	1 (4,76%)
Irodali g'alaba	4
Irodali durang	3
Irodasiz mag'lubiyat	2
Irodasiz durang	0
Yirik g'alaba	3
Yirik mag'lubiyat	2
Avtogol (urilgan/o'tkazib yuborilgan)	1/1
Ogohlantirish (o'rtacha)	45 (2,14)
CHetlatish (o'rtacha) – To'g'ridan-to'g'ri/2SK	0 (0) - 0/0
Muxlislar (jami/o'rtacha)	15455/736