Birinchi liga. “SHarq” mintaqasidagi peshqadam “Qo'qon-1912” haqida

Bu yil oliy ligaga chiqishni ko'zlayotgan jamoalardan biri “Qo'qon-1912” “sharq” mintaqasida peshqadamlik qildi.

Jamoaning o'yinini kuchli deya olmaymiz, hozircha. Bunga sabab shuki, qo'qonliklar birinchi bosqich davomida bir tekis o'yin ko'rsata olmadi. Omadli o'yinlar bilan bir qatorda omadsiz bahslar ham uchradi.



O'tkazilgan 22ta o'yinidan 15tasini o'z foydasiga hal qila olgan “Qo'qon-1912” qolgan 4ta uchrashuvda durang va 3ta bahsda mag'lubiyatga uchradi.

SHuningdek jamoa birinchi bosqichni ikkita bosh murabbiy qo'li ostida o'tkazdi. Avvaliga chempionatga Tohir Kapadze qo'li ostida tayyorgarlik ko'rgan qo'qonliklar may oyidan boshlab, Rustam Abdullaev boshchiligida chempionatda ishtirok eta boshladi.



Yangi murabbiy klubga keliboq tarkibda o'zi istaganicha o'zgartirish kirita olmasdi va ixtiyoridagi futbolchilardan foydalanishga majbur edi. Davralar oralig'ida tarkibni o'zi xohlaganicha kuchaytirishga intilayotgan Abdullaevning murabbiylik faoliyatiga ikkinchi bosqichda munosib baho bersa bo'ladi.

“Qo'qon-1912” ortda qolgan birinchi bosqich o'yinlarida raqiblari darvozasiga jami 50ta to'p kiritdi. Jamoa safida eng ko'p o'z nomini tabloga yozdirib qo'ygan o'yinchi Otabek Haydarov bo'ldi. 20 yoshli futbolchi raqiblar darvozasini 18 bor ishg'ol etishga erishdi.



SHuningdek jamoa 22ta o'yinda o'z darvozasidan 24ta gol o'tkazib yubordi. Aziz Ashurov va Andrey Baklanovdek o'z vaqtida oliy ligada o'ynagan darvozabonlar uchun buni salbiy natija deb bildik. Boz ustiga himoya chizig'ida Aleksandr Kritinin va Xurshid Uzoqboevdek yuqori malakali o'yinchilarga ega bo'lgan jamoaga bunchalik ko'p to'p o'tkazib yuborish yarashmaydi, bizningcha.
   
Kim qancha gol urdi?

Futbolchi	Gol	pen.
Otabek Haydarov	18	(2)
Umidjon Qodirov	9
Aziz To'xtaboev	5
Avazxon Mamatxo'jaev	4
Abdullajon Mirzaev	2
Davron Mamatov	2
Rahmatullo Meliboev	2	(1)
Jalil Kimsanov	2	(2)
Bahodir Akramov	1
Maruf Zokirjonov	1
Nodir Qo'ziboev	1
Rustam Abduhamidov	1
Rustam Ashurmatov	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz. 

O'yinlar	22
Umumiy gollar	50
Uyda	24 (48%)
Safarda	26 (52%)
O'tkazib yuborilgan gollar	24
Uyda	7 (29,17%)
Safarda	17 (70,83%)
Urilgan o'rtacha gollar	2,27
O'tkazib yuborilgan o'rtacha gollar	1,09
Uydagi ochkolar	29/33 (87,88 %)
Safardagi ochkolar	20/33 (60,61 %)
Eng yirik g'alaba	4:1 – “Kosonsoy”, “Paxtakor-2”, “Bunyodkor-2”
Eng yirik mag'lubiyat	0:2 – “Obod”
Igr bez propushhennyx golov	7 (31,82%)
Igr bez zabityx golov	3 (13,64%)
Irodali g'alaba	4
Irodali durang	2
Irodasiz mag'lubiyat	2
Irodasiz durang	0
Yirik g'alaba	5
Yirik mag'lubiyat	0
Avtogol (urilgan/o'tkazib yuborilgan)	1/0
Ogohlantirish (o'rtacha)	38 (1,73)
CHetlatish (o'rtacha) – To'g'rdan to'g'ri/2-SK	3 (0,14) - 0/3
Muxlislar tashrifi (jami/o'rtacha)	77231/3510

Islombek RUSTAMBEKOV tayyorladi.