Birinchi liga. “Lokomotiv-BFK” haqida

Navbat Toshkentning “Lokomotiv-BFK” jamoasiga etib keldi. SHu o'rinda aytib o'tish kerakki, ko'pchilik ushbu klubni oliy ligadagi “Lokomotiv”ni farm-klubi deb o'ylaydi. Aslida unday emas. “Lokomotiv-BFK” mustaqil jamoalar sarasiga kiradi. Bu jamoaning o'z yo'nalishi bor. Garchi ushbu ligada bir necha yillardan buyon ishtirok etib kelayotgan bo'lsada, jamoa negadir barqarorlikka erisha olmayapti. Tarkibga nazar tashlaydigan bo'lsangiz, yoshlarni ko'rish mumkin. To'g'ri, endi-endi katta futbolga qadam bosayotgan yoshlar bilan natijaga erishish qiyin bo'ladi. Lekin o'sha “Paxtakor-2”, “Bunyodkor-2” ham “Lokomotiv-BFK”ga nisbatan ancha yoshargan tarkib bilan ishtirok etib kelmoqda.

Jamoani o'tgan yili 29 yoshli murabbiy Pavel Zaxarov boshqargandi. Birinchi bosqichda yo'qotilgan qimmatli ochkolar evaziga jamoa keyingi bosqichga chiqa olmay, ishtirokini to'xtatgandi. Keyinchalik pulkada qatnashib, bu yil birinchi ligada yana ishtirok etish huquqini qo'lga kiritgan “Lokomotiv-BFK” o'tgan mavsumda yo'l qo'yilgan xatolardan kerakli xulosalarni chiqarib olmagan ko'rinadi. Sababi jamoa yana ikkinchi bosqichga chiqa olmay, yarim yo'lda qolib ketdi.

Bizningcha jamoada moddiy muammolar yo'q bo'lsa kerak. CHunki bosh homiy o'z nomi bilan “O'zbekiston temiryo'llari DATK”.

Bilishimizcha bu yil jamoani Leonid Senkevich boshqargan. Yaqinda bu mutaxassis “Paxtakor” klubida selekciya ishlari bo'yicha faoliyat yurita boshladi. Demak, “Lokomotiv-BFK” rahbariyati yana bosh murabbiy qidiradi. Nomzodlarni tanlashda, qo'pol xatolarga yo'l qo'yilmasligi talab etiladi. Zero, har yili boshqaruv postiga yangi-yangi murabbiy olib kelaverish ham jamoaning natijalariga putur etkazadi.
Jamoa bu yil 22ta o'yin o'tkazdi. Lekin bitta “Oq-tepa”ga qarshi kechgan o'yindan so'ng jamoaga texnik-mag'lubiyat yozildi.

“Lokomotiv-BFK” tarkibida birinchi bosqichda yoshi katta futbolchi Vohid Xolboev bo'ldi. 34 yoshli himoyachi o'z vaqtida oliy ligada ham to'p tepgandi. Birinchi liganing esa ipidan ignasigacha biladigan inson desa ham bo'ladi.
SHuningdek u bilan birga yana bir tajribali himoyachi Rustam Yoraliev ham birinchi bosqichda “Lokomotiv-BFK” sharafini himoya qildi.  

Jamoa tarkibida eng yosh o'yinchi 18 yoshli Vladimir Vaselev bo'ldi.
 
Kim qancha gol urdi?

Futbolchi	Gol	pen.
Jahongir Isoqov	6	(3)
Elyor Mo'ydinov	4
Botir Latipov	4	(4)
Azamat Komiljonov	3
Fotix Vosiqov	3
Hurshid Najimov	3
Sarvar Safarov	2	(1)
Evgeniy Trusov	1
Javlon Egamov	1
Temur Tursunov	1

 
Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	21
Gollar	30
Uyda	19 (63,33%)
Safarda	11 (36,67%)
O'tkazib yuborilgan gollar	38
Uyda	22 (57,89%)
Safarda	16 (42,11%)
O'rtacha urilgan gollar	1,43
O'rtacha o'tkazib yuborilgan gollar	1,81
Uydagi ochkolar	10/30 (33,33 %)
Safardagi to'plangan ochkolar	15/33 (45,45 %)
Eng yirik g'alaba	3:2 - Kosonsoy
Eng yirik mag'lubiyat	0:4 - NBU-Osiyo
Gol o'tkazmagan o'yinlar	1 (4,76%)
Gol ura olmagan o'yinlar	6 (28,57%)
Irodali g'alaba	1
Irodali durang	2
Irodasiz mag'lubiyat	1
Irodasiz durang	4
Yirik g'alaba	0
Yirik mag'lubiyat	2
Avtogol (urilgan/o'tkazib yuborilgan)	2/2
Ogohlantirish (o'rtacha)	53 (2,52)
CHetlatish (o'rtacha) – To'g'ridan-to'g'ri/2SK	5 (0,24) - 3/2
Muxlislar (jami/o'rtacha)	17681/842

 
Islombek RUSTAMBEKOV tayyorladi.