Birinchi liga. Bugundan ikkinchi bosqichga start beriladi

Endi 16ta jamoa kurashga kirishadi. Bugun 1-turdan o'rin olgan 5ta o'yin bo'lib o'tadi. Quyida bo'lajak bahslar haqida to'xtalib o'tamiz.

“UzDongJu” – “Orol”. Imkoniyatlar 60X40
Hakamlar: R. Lutfulin (Toshkent), S. Eremeev (Toshkent), F. Yormuhammedov (Toshkent)
Nazoratchi: B. Tog'aev (Toshkent).
Andijonliklar har qanday xolatda o'z maydonida g'alaba qozonishga urinadi. Qolaversa ushbu ikki jamoadagi sharoit va tayyorgarlik bir-biridan anchagina farq qiladi. SHuning evaziga ham “bo'yoqchilar”ning ustunligini tahmin qilish mumkin. Nematulla Qutiboev boshqaruvidagi “Orol” haminqadar ikkinchi davraga puxta tayyorgarlik ko'rishga intildi. Jamoa ustozi bilan suhbatlashganimizda, tarkibda aytarli jiddiy o'zgarish qilinmaganini takidlab o'tdi. Bu jamoa o'tgan yili Andijonga tashrif buyurganida “UzDongJu”ga jiddiy tashvish tug'dira olgandi. Ko'ramiz bu safar nukusliklar qanday o'yin ko'rsatar ekan.

“Yozyovon-Lochinlari” – “Nasaf-2”. Imkoniyatlar 60X40
Hakamlar: D. Muxtorov (Toshkent), S. Nishonboev (Toshkent), O. Umarov (Toshkent vil.)
Nazoratchi: A. Klepikov (Toshkent).

Bu yil ligada debyut mavsumi bo'lishiga qaramay, asosan mahalliy o'yinchilar hisobiga kurashchan jamoa sifatida shakllanib borayotgan “Yozyovon-Lochinlari”da yaqinda kutilmaganda istefo yuz berdi. Bungacha “drijyorlik” vazifasini o'tab kelgan Abdusamad Do'rmonovni ishdan ketishini ochig'i kutmagandik. Aytishlaricha endilikda jamoani Islombek Ismoilov boshqarib boradi. Mahalliy yosh mutaxassis uchun tayyorgarlik o'zi istaganidek o'tmagan bo'lishi tayin. Boisi Ismoilov jamoani yaqindagina qabul qilib oldi. “Nasaf-2”ni esa taniqli sobiq futbolchi Nurali Sultonov boshqarib borayotganini etirof etish joizdir. Asosan akademiya tarbiyalanuvchilaridan tashkil topgan ushbu jamoaning asosiy maqsadi bosh klubga munosib o'yinchilarni tayyorlab, etkazib berishdir. SHu bois “Nasaf-2” natijadan ketidan quvmaydi. Bugun Yozyovonda mehmonlarga oson bo'lmasligi turgan gap.

“Cementchi” – “Lokomotiv-BFK”. Imkoniyatlar 70X30
Hakamlar: B. Yulcharev (Guliston), F. Do'smatov (Guliston), T. Suyunov (Guliston)
Nazoratchi: M. Ismoilov (Toshkent).

Bir necha yillik tanaffusdan so'ng yana birinchi ligaga qaytgan Quvasoyning “Cementchi” bu yil muxlis va mutaxassislarda iliq taassurot qoldirmoqda. Ikkinchi bosqichda ham bu jamoa hali raqiblariga jiddiy bosh og'riq bo'lsa ajab emas. Toshkentning “Lokomotiv-BFK” jamoasi haqidagi yangiliklar haqida ochig'i, ko'p ham malumotga ega emasmiz. Aytishlaricha birinchi bosqichda ushbu jamoa sharafini himoya qilgan Ilhom Suyunov tark etgan. Tajribali futbolchi katta extimol bilan “Andijon”ning ro'yxatidan o'tkazilgan. Ammo 32 yoshli himoyachi shunga qaramay hozircha “burgutlar” safiga kelib qo'shilgani yo'q. SHuningdek chap qanot yarim himoyachisi Isroil Ershaev ham “Xotira-79” jamoasiga ketgan. Bugungi bahsda bizningcha mezbonlarning g'alabaga bo'lgan imkoniyati yuqori. Lekin futbolda hamma narsa bo'lishi mumkin.

“Xotira-79” – “Zomin”. Imkoniyatlar 50X50
Hakamlar: O. To'ychiboev (Toshkent), SH. Mirjalolov (Toshkent), Z. Erkinov (Toshkent)
Nazoratchi: S. Zaylobidinov (Farg'ona).

Uychiliklar ikkinchi bosqichga boshqa klublar singari o'z imkoniyatidan kelib chiqqan xolda, tayyorgarlik ko'rdi. Tarkibda sezilarli o'zgarishlar yuz berdi.
Jamoa muxlislariga shuni malum qilamizki, bugun “Zomin”ga qarshi kechadigan bahs Namangan shahridagi “Bakamol avlod” stadionida o'tadi. Boisi Uychidagi “Paxtakor” stadioni qayta tamirdan chiqarilmoqda. Aytishlaricha “Xotira-79” o'z maydonida katta extimol bilan ikkinchi davradan o'ynay olishi mumkin. Bugungi uchrashuvda jamoalarning g'alabaga bo'lgan imkoniyatini teng baholashga qaror qildik. CHunki “Zomin”dan ham har narsa kutish mumkin.

“Kosonsoy” – “Obod”. Imkoniyatlar 50X50
Hakamlar: T. To'xtasinov (Andijon), I. Abdulakov (Toshkent vil.), I. Zoitov (Toshkent vil.)
Nazoratchi: I. Rahimov (Andijon).

Kosonsoyliklar o'z maydonida osonlikcha ochko ulashadigan jamoalardan emas. Mehmon Solixo'jaev boshqaruvidagi jamoaning birinchi bosqichdagi ishtirokini ijobiy baholash mumkin. Lekin aytishlaricha “Kosonsoy”ning PFLdan qarzdorligi mavjud. Uning bugungi raqibi “Obod”da esa aksincha. Hammasi ko'ngildagidek deyish mumkin. Xayrullo Abdiev va Farhod Safarov boshqaruvidagi Toshkent jamoasi o'z tarkibini etarlicha ijrochilar bilan kuchaytirib oldi. Bugun “Obod” safardan ochko olib qaytishi ham mumkin. Biroq vodiyda hech bir klubga oson bo'lmasligini ham takidlash joiz.

13 avgust (payshanba)
“Oq-tepa” – “Xorazm”
“NBU-Osiyo” – “Mashal-2”
14 avgust juma
“Paxtakor-2” – “G'ijduvon”

Islombek Rustambekov