Birinchi liga. Bitta o'yinda 9ta (!) gol o'tkazib yuborgan “G'allakor-Avtomobilchi” haqida

G'allaorol tuman jamoasi garchi har yili musobaqada ishtirok etib kelayotgan bo'lsada, mukammal tarkibga ega emas. Turli sabablarga ko'ra, jamoa safidagi o'yinchilar deyarli har mavsum boshida yangilanadi. Tabiiyki shunday bo'lavergach, jamoa mavsumni bir tekis o'tkaza olmaydi. Xattoki o'tgan yili birinchi bosqichdayoq ishtirokini to'xtatishga majbur bo'lib, keyinchalik pulkada qatnashgandi.

Bu yil jamoa boshqaruv postiga yana mahalliy murabbiy Furqat O'rolov kelib, tajriba va yoshlar ishtirokida jamoa tuzishga urindi. Garchi g'allaorolliklar keyingi bosqichga chiqish masalasini ijobiy hal eta olgan bo'lsada, lekin bu bilan ularni osmonlarga ko'tarish kerak emas bizningcha.
“G'allakor-Avtomobilchi” birinchi bosqichda bir o'yinda o'z darvozasidan eng ko'p to'p o'tkazib yuborgan jamoa sifatida tarixda qoldi. 14-turda “SHo'rtan” maydoniga safar uyushtirgan g'allaorolliklar shu kuni o'z darvozasidan javobsiz 9 (!)ta to'p o'tkazib yubordi. Bu nafaqat “G'allakor-Avtomobilchi”ni balki birinchi bosqichning eng yirik mag'lubiyati bo'ldi.

Lekin bu jamoa muxlis yig'ish borasida etakchilar safidan o'rin oladi. G'allaorol tumanida mahalliy aholi futbolni juda sevadi. CHunki jamoaning har bir uy o'yiniga o'rtacha 2000dan ziyod muxlis tashrif buyurdi. Bu birinchi liga doirasida ijobiy natijadir.

Jamoada yoshi katta futbolchi Bahriddin Rahmonqulov bo'ldi. Ko'p yillar davomida jamoa uchun o'ynab kelayotgan 33 yoshli futbolchi shu bilan birga jamoada o'ynovchi murabbiy vazifasini ham bajaradi.

Aksincha eng yosh futbolchi Izzatulla SHavkatov bo'ldi. 1997 yili tug'ilgan futbolchidan murabbyilarning umidi katta.
“G'allakor-Avtomobilchi” safida birinchi bosqichda to'purarlik mahoratini ko'rsatgan futbolchi Solijon Xayrullaev bo'ldi. 23 yoshli hujumchi o'z hisobiga 11ta gol yozdirib qo'ydi. SHundan 2tasini penaltidan kiritgan.   

Kim qancha gol urdi? 

Futbolchi	Gol	Pen.
Soli Xayrullaev	11	(2)
Farhod Usmonov	4
Abdurasul Abdug'aniev	4	(2)
Azizbek Malikov	3
Iskandar Alimboev	2
Rashid G'ofurov	2
Zafar Narziqulov	1
Ibrohimjon Negmatov	1
MadaminXojiboev	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	22
Gollar	30
Uyda	21 (70%)
Safarda	9 (30%)
O'tkazib yuborilgan gollar	39
Uyda	14 (35,9%)
Safarda	25 (64,1%)
O'rtacha urilgan gollar	1,36
O'rtacha o'tkazib yuborilgan gollar	1,77
Uydagi ochkolar	15/33 (45,45 %)
Safardagi to'plangan ochkolar	10/33 (30,3 %)
Eng yirik g'alaba	6:1 – “G'ijduvon”
Eng yirik mag'lubiyat	0:9 – “SHo'rtan”
Gol o'tkazmagan o'yinlar	5 (22,73%)
Gol ura olmagan o'yinlar	9 (40,91%)
Irodali g'alaba	1
Irodali durang	2
Irodasiz mag'lubiyat	1
Irodasiz durang	0
Yirik g'alaba	3
Yirik mag'lubiyat	2
Avtogol (urilgan/o'tkazib yuborilgan)	1/1
Ogohlantirish (o'rtacha)	43 (1,95)
CHetlatish (o'rtacha) – To'g'ridan-to'g'ri/2SK	0 (0) – 0/0
Muxlislar (jami/o'rtacha)	47468/2158

Islombek RUSTAMBEKOV tayyorladi.