Birinchi liga. "Andijon"ning Toshkentdagi yig'ini yakunlanmoqda

Poytaxtdagi yig'in chog'ida futbolchilar kuniga ikki mahaldan shug'ullanib, bir qator sinov-nazorat o'yinlarida ham maydonga tushmoqda. Xususan Qozog'istonning "Kaspiy" va Buxoroning "Nurafshon" jamoasi bilan bo'lgan uchrashuvda nursiz (0:0) durang qayd etildi. 

Toshkentning "O'rikzor" klubi esa 3:1 hisobida taslim etildi. Kecha "burgutlar" navbatdagi o'rtoqlik o'yinini "Xorazm" jamoasiga qarshi o'tkazib, 2:1 hisobida g'alaba qozondi. Uchrashuvda avvaliga urganchliklar standart vaziyatdan hisobni ochgan bo'lsa, andijonliklardan Farruh SHotursunov bilan SHahboz Jumaboev raqib darvozasini bittadan ishg'ol qildi va jamoamiz irodali g'alabani qo'lga kiritdi. 

Tarkibga markaziy himoyachi Timur Kagirov kelib qo'shilganini malum qilamiz. Muxlislar yaxshi bilishsa kerak, tajribali futbolchi ilgari ham "Andijon" (2005 va 2008 yillar) safida o'ynagandi. 

Ertaga jamoamiz "Bunyodkor" yoshlariga qarshi sinov-nazorat bahsida maydonga tushadi. SHundan so'ng "Andijon"ning Toshkentdagi yig'ini yakuniga etadi.

"Andijon" matbuot xizmati