Berdiev va Gevorkyan – sentyabr oyi laureatlari!

So'rovnomada jurnalistlar Oliy Liga va Birinchi Liga klublarida faoliyat olib borayotgan jami 12 nafar murabbiy va 17 nafar futbolchini g'oliblikka davogar sifatida ko'rsatishdi.

Murabbiylar o'rtasidagi kurashda Nasaf bosh murabbiyi Ro'ziqul Berdiev 78 ochko to'pladi va 2-o'rinni egallagan Mashal bosh murabbiyi Aleksandr Xomyakovni 23 ballga ortda qoldirishga muvaffaq bo'ldi. Etiborli tomoni, sentyabr oyi so'rovnomasida jurnalistlar Ro'ziqul Berdievni 10 marta birinchi o'ringa loyiq murabbiy sifatida ko'rsatishdi.

Futbolchilar orasida esa sentyabr oyi yakunlariga ko'ra Nasaf yarim himoyachisi Artur Gevorkyanga teng keladigan futbolchi topilmadi. Yarim himoyachi sentyabr oyi so'rovida o'zining eng yaqin taqibchisi, Muborakning Mashal jamoasi hujumchisi Zohir Qo'ziboevni 10 ballga ortda qoldirdi va 64 ball bilan 2014 yil hisobidan birinchi marta oyning eng yaxshi futbolchisi deb topildi.

Malumot o'rnida, mart-noyabr oylarida o'tkaziladigan Oyning eng yaxshi futbolchisi va murabbiyi tanlovilarining natijalari umumlashtirib chiqiladi va natijalardan kelib chiqib, O'zPFLning 2014 yildagi eng yaxshi futbolchisi va murabbiyi nomi aniqlanadi.

Oyning eng yaxshi o'yinchisi so'rovnomasi sentyabr oyi kuchli beshligi:
1. Artur Gevorkyan (Nasaf) – 64 ball;
2. Zohir Qo'ziboev (Mashal) – 54 ball;
3. Viktor Klishin (SHo'rtan) – 30 ball;
4. SHuhrat Muhammadiev (Nasaf) – 27 ball;
5. Vohid SHodiev (Bunyodkor) – 15 ball.

Oyning eng yaxshi murabbiyi so'rovnomasi sentyabr oyi kuchli beshligi:
1. Ro'ziqul Berdiev (Nasaf) – 78 ball;
2. Aleksandr Xomyakov (Mashal) – 55 ball;
3. Vadim Abramov (Lokomotiv) – 51 ball;
4. Sergey Lushan (Bunyodkor) – 34 ball;
5. Furqat Esonboev (Oqtepa) – 10 ball.